سەرنووچە:

سەرۆکاتیا پەرلەمانێ کوردستانێ: مە دڤێت هەلبژارتن د دەمێ خۆدا بهێنە ئەنجامدان

PM:04:00:29/01/2022

400 جار خوێندراوەتەوە

+ -

جێگرێ سەرۆکا پەرلەمانی ڕاگەهاند، مە دڤێت هەلبژارتن د دەمێ خۆدا بهێنە کرن. دبێژیت ژی، "د نهادا ڤالاهی د کۆمسیۆنێدا هەیە".

ئەڤرۆ شەمبی، هێمن هەورامی جێگرێ سەرۆکا پەرلەمانی د کڤانێ پشکداریکرنێ د پانێلێ پلاتفۆرمێ کوردستانێ دا بۆ پرسەیێن نشتیمانی ڕاگەهاند، د نهادا ڤالاهی د کۆمسیۆنێدا هەیە، ل ٢٠ی ١٢ی ٢٠١٩ێ دەم بسەرڤەچوویە، ژبەرکو ل ٢٠ی ١٢ی ٢٠١٤ێ باوەری پێدایە و وی دەمی کۆمسیۆن هاتیە دروستکرن.

گوتژی، "نها لدویف وێ یەکێینە یان دەنگ ب ڤێ کۆمسیۆنێ بهێتە دان یان ژی کۆمسیۆنەکا دی دیار بکەین".

دیارکر ژی، کۆمسیۆن ب لهەڤهاتنا پێنج ئالیێن سیاسی هاتیە پێکئینان.

جێگرێ سەرۆکا پەرلەمانی ئاماژە ب وێ یەکێ ژی دایە، ل دوو دەمێن جودا دا داخاز ژ سەرۆکاتیا پەرلەمانی کریە چارەنڤیسێ ئێک ئالی بکەت هەیا بکارن ئامادەکاریان بۆ هەلبژارتنێن پەرلەمانێ کوردستانێ بکەن.

بەحسا وێ یەکێ کر، پێتڤیە بەری ٦ی ١١ی ٢٠٢٢ ئامادەکاریان بۆ ئەنجامدانا هەلبژارتنێن خولا شەشێ یا پەرلەمانی کربیت.

گوتژی، پێتڤیە ل ٦ی ٩ی ٢٠٢٢ێ سەرۆکێ هەرێمێ فەرمانا هەرێمێ بۆ دەستنیشانکرنا رۆژا هەلبژارتنان دەرکربیت و کۆمسیۆنا سەربخۆیا هەلبژارتنان شەش مەهان بەریا داویا دەمێ هەلبژارتنان، دەمێ ل مەها ئادارێ ئامادەبیت هەیا هەلبژارتنان ل دەمێ خۆدا ئەنجامبدەن.

ئەڤە ددەمەکیدایە، ئەڤرۆ شاسوار عەبدولواحید سەرۆکێ ڤەلڤینا نەوەی نوێ د کۆنفڕانسەکێ رۆژنامەڤانیدا مەرجێن ڤەلڤینێ بۆ دەنگدانا بەربژێرێ سەرۆک کۆمارێ عێراقێ کو ژ ١٠ مەرج پێکهاتبوون ئەشکەراکر و مەرجێن نەهێ و دەهێ یێن ڤەلڤینێ بریتبوون ژ ئەنجامدانا هەلبژارتنێن هەرێمێ د دەمێ خۆدا و د ڤێ سالێدا هەموارکرنا یاسایا هەلبژارتن و هەموارکرنا یاسایا کۆمیساران ب رەنگەکی ئەندامێن جڤاتا کۆمیساران بێ لایەن بن.

گەلەری