سەرنووچە:

ئەڤرۆ دێ نەوەی نوێ چ بڕیارەکێ دەت؟

AM:09:52:29/01/2022

400 جار خوێندراوەتەوە

+ -

بڕیارە ئەڤرۆ جڤاتا بلندا نەوەی نوێ جڤینەکێ ئەنجامبدەت بۆ بڕیاردانێ لسەر بەربژێرێ سەرۆک کۆماری و پشترا شاسوار عەبدولواحید سەرۆکێ ڤەلڤینا نەوەی نوێ دەربارەی ئەنجامێن جڤینێ دەمژمێر ١١ و ٣٠ خۆلەک دێ کۆنفڕانسەکێ رۆژنامەڤانی سازکەت.

جڤاتا سیاسیا نەوەی نوێ د جڤینا ئەڤرۆدا دێ بڕیارا ئێکلاکەر دەت لسەر پرسا سەرۆک کۆماری و بەربژێرێن وی پۆستی و رەنگێ پشکداریکرنا ڤەلڤینێ د پرۆسەیا هەلبژارتنا سەرۆک کۆمارێ عێراقێ؛ کو بڕیارە ٧ی مەها بهێت پەرلەمانێ عێراقێ روینشانا تایبەت بۆ ڤێ پرسێ بهێتە کرن.

د نهادا کو پارتی و ئێکەتی ناکوکی لسەر پۆستێ سەرۆک کۆماری هەیە و بزاڤان دکەن بۆ بدەستڤەئینان و بۆ ئێکلابوونا وی پۆستی، کو بۆ وی بابەتی ژی چاڤێ وانا لسەر نەوەی نوێ و هەڤپەیمانیا ژ پێخەمەت خەلکی کو خۆدانا ٢٨ کورسیانە ل پەرلەمانێ عێراقێ و شاسوار عەبدولواحید سەرۆکاتیا هەڤپەیمانیێ دکەت.

د نهادا هەڤپەیمانیێ بخۆژی بەربژێر هەیە بۆ پۆستێ سەرۆک کۆمار، لێ چاڤێ پارتی و ئێکەتی لسەر دەنگێن نەوەی نوێ و هەڤپەیمانیێ یە هەیا دەنگی بدەت بۆ ئێک ژ دوو بەربژێرێن پارتی و ئێکەتی. ژبەروێیەکێ سوبەهی ڤەلڤین دێ بڕیارێ دەت کا ئەرێ دێ بەربژێرێ خۆ ڤەکێشن و دێ دەنگی دەنە بەربژێرێن پارتی و ئێکەتی؟ یان ژی بەربژێرێ وان دێ بەردەوامبیت.

گەلەری