سەرنووچە:

نویترین هەلویستێ ئەمریکا دەربارەی ئالوزیێن روسیا و ئۆکرانیا

AM:09:30:29/01/2022

568 جار خوێندراوەتەوە

+ -

وەزیرێ بەرەڤانیا ئەمریکا ڕاگەهاند، روسیا تێرا چوونا ناڤ ئۆکرانیا سەرباز کۆمکرینە. دبێژیت ژی، "دوێ باوەریێدا نینە پوتینی بڕیارا داویێ دەربارەی چوونا ناڤ ئۆکرانیا دابیت".

لوید ئۆست وەزیرێ بەرەڤانیا ئەمریکا دگەل مارک میللی سەرۆکێ ئەرکانێ ئارتێشا وەلاتی د کۆنفڕانسەکێ رۆژنامەڤانیێ هەڤپشکدا دەربارەی پرسا قەیرانێن دناڤبەرا روسیا و ئۆکرانیا ڕاگەهاند، باوەر ناکەت پوتینی بڕیارا داویێ دەربارەی چوونا ناڤ ئۆکرانیا دابیت، لێ ئێدی پوتین گەهشتیە شیانێن ئەنجامدانا ڤێ یەکێ.

وەزیرێ بەرەڤانیا ئەمریکا ڕاگەهاند، روسیا ب درێژاهیا سنورێ بیلاروسیا و کریمیاوە، سەدان هزار سەرباز لسەر سنورێ ئۆکرانیا کۆمکرن و ئەڤە ب بەردەوامی د بلندبوونێدایە.

ئاماژە ب وێ یەکێ دایە، روسیا ل پال دەریا رەش، چالاکیێن سەربازیێن خۆ ل ئەتلانتیک یا باکور و دەریا سپی زێدەکرینە. دبێژیت ژی، "باوەر ناکەین کو پوتینی بڕیارا داویێ دابیت دەربارەی بکار ئینانا ڤان هێزان ل دژی ئۆکرانیا، لێ ئەوا راست بیت د رەوشەکێدایە کو گەهشتیە شیانێن ئەنجامدانا ڤێ یەکێ".

گوتژی، "د نهادا گەلەک بژاردە ل بەر دەستێ ڤلادیمێر پوتین سەرۆکێ روسیادا هەنە، کو دەستبسەرداگرتنا باژێری و ئاخا گرنگ بخۆڤە دگریت، روسیا بەلکی کارێ گێچەلا سیاسی ژی ئەنجامبدەت".

لوید ئۆستن راگەهاند ژی، کو دەستێوەردانا روسیا ل ئۆکرانیا، ب مانایا وێیەکێ کو ناتۆیەکا بهێز و پێداگیری ل رۆئاڤایێ مۆسکۆ نەڤێت.

تەکەزکریە، ئەمریکا ب مەرەما شەڕکرنێ سەبازان نا هنێریتە روسیا، هەروەسا، ئەوبخۆژی خۆ دویرکر د بەرسڤا پرسیارا هنارتنا سەربازی ب مەرەما ڤەگوهاستنا وەلاتیێن ئەمریکی ل ئۆکرانیا.

دبێژیت ژی، ئەڤ رەوشا نها هەڤئاوایێ قۆناغا شەڕێ سارە.

هەروسا، هایداریا وێ یەکێ دایە کو دەرئەنجامێن داگیرکرنا ئۆکرانیا ژ ئالیێ روسیا ب تایبەتی ل دەڤەرێن ئاڤەدانیدا دێ "کارەساتبار" بیت.

مایک میللی ئەشکەراکر، ئەو دێ بەردەوامبن ژ هنارتنا کەلوپەلێن سەربازی بۆ ئۆکرانیا و ژ ئەگەرێ دەستێدوەردانا روسیا ل هەر وەلاتەکێ ئەندام ل ناتۆیێ، د کڤانێ بەندێ پێنجێ یێ لهەڤهاتنا وێ هەڤپەیمانیێ، هێزەکا بهێز یا ناتۆ بەرسڤا دەستێوەردانێ ددەت.

گەلەری