سەرنووچە:

سوبەهی نەوەی نوێ دەربارێ پۆستێ سەرۆک کۆماری دێ بڕیارێ دەت

PM:07:43:28/01/2022

484 جار خوێندراوەتەوە

+ -

سوبەهی جڤاتا سیاسیا نەوەی نوێ دێ جڤیێت و دێ بڕیارێ دەت لسەر ڤەکشینا بەربژێرێ ڤەلڤێنا خۆ بۆ پۆستێ سەرۆک کۆماری یان ژی بەردەوامبوون و ڤەنەکشیانێ.

جڤاتا سیاسیا نەوەی نوێ د جڤینا سوبەهی دا دێ بڕیارا ئێک ئالیکەر دەت لسەر پرسا سەرۆک کۆماری و بەربژێرێ وی پۆستەی و شێوازێ پشکداریکرنا ڤەلڤینێ د پرۆسەیا هەڵبژارتنا سەرۆک کۆمارێ عێراقێ دا؛ کو بڕیارە ٧ ێ مەها بهێت پەرلەمانێ عێراقێ روونشتنا تایبەت ب وێ پرسێ بکەت.

د نهادا کو پارتی و یەکێتی ناکۆکن لسەر پۆستێ سەرۆک کۆماری هەمی بزاڤ ئێخستینە کار بۆ بدەستڤەئینانێ و بۆ ئێک ئالی بوونا بەربژێرێن وی پۆستی، کو بۆ وی بابەتی ژی چاڤێ وان لسەر نەوەی نوێ و هەڤپەیمانیا د پێخەمەت خەلکی دایە کو خودانا ٢٨ کورسیێن پەرلەمانێ عێراقێ نە و شاسوار عەبدولواحید سەرۆکایەتیا وێ هەڤپەیمانیێ دکەت.

دنهادا هەڤپەیمانیێ بخۆ ژی بەربژێر هەیە بۆ پۆستێ سەرۆک کۆماری، لێ چاڤێ پارتی و یەکێتی لسەر دەنگێن نەوەی نوێ و هەڤپەیمانیا وانن هەیا دەنگی ب ئێک ژ دوو بەربژێرێن پارتی یان یەکێتی بدەن. ژبەر وێ سەدەمێ سوبەهی ڤەلڤین دێ بڕیارێ دەت کا ئەرێ دێ بەربژێرێ خۆ ڤەکشینیت و دێ دەنگێ خۆ دەتە بەربژێرێن پارتی و یەکێتی؟ یان ژی بەربژێرێ وان دێ یێ بەردەوام بیت.

گەلەری