سەرنووچە:

هەرێم و عێراقێ رێزا ئێکێ گرتیە بۆ پتریا هژمارا عومرەکاران

PM:03:41:28/01/2022

420 جار خوێندراوەتەوە

+ -

دەستەیا حەج و عومرەیا عێراقێ ڕاگەهاند، ل دەمێ پێنج مەهێن ئەڤسالەدا زێدەتر ژ ٨١ هزار وەلاتیێن عێراقێ عومرە ئەنجامدایە.

ئەڤرۆ ئەینی، سامی سعودی سەرۆکێ دەستەیا حەج و عومرێ د کۆنفرانسەکێ رۆژنامەڤانیدا ڕاگەهاند، ل دەستپێکا دەستپێکرنا ئەنجامدانا عومرێ ل دەمێ پێنج مەهێن دەربازبووی ٨١ هزار وەلاتیێن عێراقێ عومرە ئەنجامدایە.

ئاماژە ب وێ یەکێ کر، ئەڤە هژمارەیەکا پیڤاییە و بهەڤبەرکرن ب وەلاتێن دی پلەیا ئێکێ گرتیە د ئەنجامدانا عومرێدا.

دبێژیت ژی، هەر ئێک ژ وەلاتێن هندستان و روسیا و ئەمریکا و رۆژهەلاتا ئاسیا و تورکیا و ئیران بسەدەمێ بەلاڤبوونا ڤایرۆسێ کۆرۆنایێ هێشتا رێ پێ نەهاتیە دان عومرێ ئەنجامبدەن.

سامی مەسعودی سەرۆکێ دەستەیا حەج و عەمرەیا عێراقێ ئەشکەراکر، پێشبینیێ دکەن ل مەهێن رەجەب و شەعبان و رەمەزانێ هژمارا عومرەکارێن عێراقێ زێدەتربیت.

دەربارەی هەڤکاریکرنێ دگەل وەلاتێ سعودیێ دەربارەی حەج و عومرەکاران، سامی مەسعودی گوت، هەڤکاری دناڤبەرا عێراق و سعودیێدا بەردەوامە لسەر ئاستێ بالیۆزخانە و هەردوو حکومەتاندا، لێ نها سعودی چ تشتەکی دەربارەی وەرزێ حەجێ ئەشکەرا نەکرینە. ژبەرکو بڕیار ب دەست حکومەتا سعودیێ نینە، بەلکو پێتڤی ب فەرمانا شاهانە هەیە و دیوانا شاهانە دێ مەرسومێ بۆ دەرئێخیت.

گەلەری