AM:11:19:28/01/2022
1260 جار خوێندراوەتەوە
+
-
سەقاناسیا عێراقێ ڕاگەهاند، ل هەرێمێ پێشبینی دهێتە کرن هەیا شەڤا دووشەمبیا حەفتیا بهێت پلەیێن گەرمێ دێ بەردەوامبن ژ نزمبوونێ. دبێژیت ژی، "پێلا بەفر و بارانێ هەیا ئێڤاریا ئەڤرۆ دێ بەردەوامبیت".
سادق عەتیە سەقاناسێ عێراقێ ل فەیسبووکی خۆ بەلاڤکر، ئەو سەقایێ سار یێ بەرەف وەلاتی هاتی هەیا شەڤا دووشەمبا حەفتیا بهێت دێ بەردەوامبیت.
دبێژیت ژی، ل هەرێمێ پلەیێن گەرمێ دێ داکەڤن، لێ دەڤەرێن دیێن عێراقێ گەلەک باندوری نابیت.
د پشکەکا دیا پێشبینیاندا، سادق عەتیە ئاماژە ب وێ یەکێ کر، هەیا ئێڤاریا ئەڤرۆ ئەینی ل دەڤەرێن چیایێن هەولێرێ و سلێمانیێ و دهۆکێ بارینا بەفرێ و بارانێ دێ بەردەوامبیت.
دیارکر ژی، سپێدەهیا رۆژا شەمبیا حەفتیا بهێت ل پارێزگەها سلێمانیێ و هەولێرێ و باکورێ دهۆکێ پێشبینی دهێتە کرن پێلەکا مژێ ڤەگریت.
دبێژیت ژی، ب درێژیا حەفتیا بهێت ئەسمان دێ ساهی بیت و سەقا دێ سەقامگێریێ بخۆڤە بینیت.