AM:10:09:28/01/2022
1176 جار خوێندراوەتەوە
+
-
وەزارەتا بازرگانیا حكومەتا عێراقێ ڕاگەهاند، ٣٠ ڤێ مەهێ ئیکەم سەلکا خارنێ یا سالا ٢٠٢٢ێ دێ بسەر وەلاتیان دا هێتە پارڤەکرن. دبێژیت ژی، "شەش ماددان بخۆڤەدگریت".
وەزارەتا بازرگانیا عێراقێ د ڕاگەهاندنەکێدا ئاماژە ب وێ یەکێ کر، عەلا جبوری وەزیرێ بازرگانی داخازکریە ژ ٣٠ ڤێ مەهێ دەست ب پارڤەکرنا ئێکەم سەلکا خارنێ یا سالا ٢٠٢٢ بهێتە کرن.
ژ ئالیێ خۆڤە، کۆمپانیا گشتیا بازرگانیا خارنێ ئاماژە ب وێ یەکێ کر، تەڤایا رێکاران گرتینەبەر بۆ ئامادەکرنا ئێکەم سەلکا خارنێ یا ئەڤسالە.
دیارکریە ژی، سەلکا خارنێ ژبلی ئاری بریتیە ژ نۆك و فاسۆلی و برنج و ڕۆن و شەكر و ئاڤا تەماتەیان.
کۆمپانیا گشتیا بازرگانیا خارنێ بەحسا وێ یەکێ ژی کر، سەلکا خارنێ بۆ تەڤایا وەلاتیێن عێراقێیە و دکارن ب ڕێیا پسۆلەیا خارنێ وەربگرن.
ئەڤە ددەمەکیدایە، ل حەفتیا دەربازبووی وەزارەتا بازرگانیا عێراقێ د ڕاگەهاندنەکێدا ئەشکەراکر، ل ڤێ حەفتیێ و ب رێیا بریکارێن خارنێ دێ دەست ب پارڤەکرنێ ئێکەم سەلکا خارنێ یا پشکا خارنێ یا مەهانەیا وەلاتیان.
ئەڤە ددەمەکیدایە، ددەما دەربازبوویدا وەزارەتا بازرگانیا عێراقێ ب بڕیارەکێ پارڤەکرنا پشکا خارنێ بۆ پشکەکا تەخ و چینان ڕاگرت، كو ئەو فەرمانبەرێن مووچەیێ وان زێدەتر ژ ئێک ملیۆن و ٥٠٠ هەزار دیناران و بازرگان و ئەندامێن پەرلەمانی و وەزیران و جڤاتا خۆجهی و بەڵێندەرا و یێن ژدەرڤەی وڵاتی دژین بخۆڤە دگریت.