PM:09:23:26/01/2022
812 جار خوێندراوەتەوە
+
-
ئێڤاریا ئەڤرۆ، موقتەدا
سەدر سەرۆکێ ڕەوتا سەدر ب مەرەما سازکردنا جڤینەکێ دگەل کڤانا هەڤبەندیێ گەهشتە بەغدایا
پایەتختا عێراقێ.
ئەڤرۆ چارشەمبی، نڤیسینگەها
موقتەدا سەدری ڕاگەهاندنەک بەلاڤکر و دناڤدا هاتیە، موقتەدا سەدرێ سەرۆکێ ڕەوتا سەدر
ئێڤاریا ئەڤرۆ بسەرەدانەکێ گەهشتە باژێڕێ بەغدا.
ل دویڤ وێ ڕاگەهاندنێ،
بڕیارە سوبەهی موقتەدا سەدر دگەل سەرکردەیێن کڤانا هەڤبەندی بجڤیت ب مەرەما گۆتوبێژکرنێ
دەربارێ پێکئینانا حکومەتا بهێت.
سەرەدانا موقتەدا سەدری
ددەمەکیدایە، هەیانها ژی داخاز دکەت حکومەتەکا زۆرینەیا نیشتیمانی ژئالیێ مەزنترین
فراکسیۆنا پەرلەمانی ڤە بهێتە پێکئینان و دناڤدا هەندەک هێزێن سیاسی پشکداریێ دناڤداناکەن،
لسەر هەمیان ژی نوری مالیکی سەرۆکێ هەڤپانیا دەوڵەتا یاسا.
ئەڤ هەڵویستەیا سەدری
بوویە سەدەمێ دابەشبوونا هێزێن سیاسیێن پشکداربویێن دناڤ کڤانا هەڤبەندیێ دا.
ئێڤاریا ڕۆژا دووشەمبیا
دەربازبووی ژی، د کڤانا پێشکێشکرنا گۆتارەکێ دا تەکەز کر لسەر "پێکئینانا حکومەتەکا
زۆرینە".
گۆتژی، حکومەتا زۆرینەیا
نیشتیمانی بوویە داخازیا هەمی هێزێن سیاسی پشتی کو گەندەڵیێ هەمی ولات ڤەگرتی.
موقتەدا سەدری ئاماژە
ب وێ ژیدا، هەر ژبەر وێ سەدەمێ هەندەک هێزێن
سیاسی هەنە دڤێت ژ حکومەتا نوی بهێنە دوویر ئێخستن یێن کو گەندەڵی لسەر وان بەندە.
ئەو یەکژی دادیارکرن،
"من داخاز ژ سەرکردایەتیا کڤانا هەڤبەندی کر سەردانا من بکەن ل دەڤەرا حەنانە ل نەجەف، لێ
وان رەتکر، من داخاز ژێ کر ناڤ مالا شیعیەیان
کۆم بکەن لێ چ بەرسڤ نەدانە من".
گۆت ژی، داخازکریە جارەکادی
ڕێکخستن دناڤ ڕێزێن حەشدا شەعبیدا بکەن و ل گەندەڵکاران پاقژبکەن.