سەرنووچە:

ل بەغدا چ بۆ کوردا گرنگە؟

PM:07:37:26/01/2022

368 جار خوێندراوەتەوە

+ -

سیاسەتمەدارەکێ کورد دبێژیت، "یا گرنگ نە پۆستن، مادەیێ ١٤٠ و پێشمەرگە و پەترۆل و گاز و بودجە و مووچە و ئەو تشتێن کو بەحسا پارەی دکەن گرنگن یێن دی نە دباشن و زڤڕینە بۆ پاشیێ، ئاریشا مە یا مەزن ل بەغدا پێتڤی بوونە ب ئێکگرتنێ".

مەحمود عوسمان سیاسەتمەداری کورد بۆ دەنگێ ئەمەریکا ڕاگەهاند، کارێ یەکێتی و پارتی و حزبێن دی ئەوە جڤینەکا بەرفرهـ بکەن و خەڵکێن ئیسلامی و سەربخۆ و حزبێن دی دناڤدابن، هەروەسا لسەر وێ چەندێ لهەڤبهێن ئەرێ کوردان چ دڤێت؟

ئاماژە ب وێ ژیدا، "پۆست گرنگ نینە وەکی وێ یا مە ل سالا ٢٠١٠ ێ ئەنجامدای، ئەڤا نها دهێتەکرن یا خەلەتە و زەرەرێن وێ دێ د زۆربن".

دبێژیت ژی، "مادەیێ ١٤٠ و پێشمەرگە و پەترۆل و گاز و بودجە و مووچە و ئەو تشتێن کو بەحسا پارەی دکەن گرنگن یێن دی نە دباشن و زڤڕینە بۆ پاشیێ، ئاریشا مە یا مەزن ل بەغدا پێتڤی بوونە ب ئێکگرتنێ".

دەربارێ هەبوونا دوو بەربژێرێن کورد بۆ پۆستێ سەرۆک کۆماری و کارتێکرنا وێ بسەر گۆڕەپانا سیاسی و خەڵکێ هەرێما کوردستانێ، مەحمود عوسمان بەحسا وێیەکێ کر، "نها ئەگەر بڤی ئاوایی بچن دی بنە سێ بەرە، پارتی ب جودا، یەکێتی ژی ب جودا و نەوەی نوێ و خەڵکێ دی و ئۆپۆزسیۆن ژی ب جودا، ئەڤ چەندە زەرەرێ ژمە ددەت، ژبەرکو ئەگەر یەکگرتووژی بین ل وی دەمی هێشتا زەلال نیە ئەو داخازیێن مە دێ جێبەجێ بن یان ژی نە و چەوا دێ جێبەجێ بن؟ لی ئەگەر ب ڤی ئاوایی بن دێ گەلەک لاوازتر بین و تشتەکێ خرابە و نابیت سەرکردایەتی ڕێکێ بدەن".

ئەڤە ددەمەکیدایە، د نهادا دەربارێ وەرگرتنا پۆستێ سەرۆک کۆمارێ عێراقێ ناکۆکی دناڤبەرا یەکێتی و پارتی دا دروستبوونە و هەر ئێک ژوان بەربژێرێ خۆ بۆ وی پۆستی هەیە و بڤێ ژی چاڤدێر دوێ باوریێ دانە ناکوکیێن زێدەتر دێ کەڤنە دناڤ وان دوو پارتێن دەسەڵاتدارێن هەرێما کوردستانێ دا.

گەلەری