PM:03:14:26/01/2022
1760 جار خوێندراوەتەوە
+
-
درۆژەکا وەکو ئەڤرۆدا ل ٢٦ی مەها ئێک یا سالا ٢٠١٩ێ وەلاتیێن هەردوو
ناحیێن شێلادزێ ودێرەلوکێ ب خۆنیشاندانەکا نەرازیبونێ چوونە سەر بارەگایێ میتا
تورکیا ل گومەلگەها سیریێ یا گرێدای ناحیا شێلادزێ وبەشەکا بارەگای دگەل چەند تانکێن
سوپایێ تورکیا شەوتاندن و دوو سەربازێن وی وەلاتی ژی هاتن کوشتن، دگەل شەهیدبوونا
سنێلەکێ ناحیا شێلادزێ.
ئەو خۆنیشاندانا نەرازیبوونێ پشتی وێ چەندێ هات ل رۆژا ٢٣ی هەمان مەهێ
شەش وەلاتیێن ناحیا دێرەلوک کەفتبوونە بەر بۆمبەبارانا بالەفڕێن تورکیا و چار ژوان
شەهیدببوون و دوویێن دی ژی هەیا نها بێ سەروشینن.
داخازیێن خۆنیشاندەران ئەوبوون کو بارەگایێن تورکیا ژدەڤەرێ بهێنە ڕاکرن و بۆمبەبارانێن سوپایێ وان بۆ سەر دەڤەرێ و کوشتنا
وەلاتیێن سڤێل بهێتە ڕاوەستاندن .
دەرئەنجام وپشتی شەوتاندنا بەشەکا بارەگایێ میتێ و وان روویدانێن چێبووین
ب بالەفڕەکا شەڕکەر داوی بووێ پێلا نەرازیبوونێ هات، لدیڤ دا هێزێن ئەولەکاریێ ب دەهان
وەلاتی ب توهمەتا رێکخستنا خۆنیشاندانا دەستەسەرکرن وشێلادزێ ب تەمامێ هاتە دورپێچکرن
و ب دەهان هێزێن پێشمەرگەی ل هند جهان هاتنە بنەجهکرن .
پشتی وان روویدانان و هەیا نها ژی وەکو بەشەکا چالاکڤانێن وێ دەڤەرێ
ددەنە دیارکرن، شێلادزێ بوویە زیندانەکا ڤەکری و هەوێن دەستەسەرکرنێ هەیا نها ژی ب
بهانەیێن جودا دبەردەوامن و ئازادیا ڕادەربڕینێ ژی هاتیە سنوردارکرن.
نیهاد ئورەماری، ئامێدی