PM:01:15:26/01/2022
880 جار خوێندراوەتەوە
+
-
بەریا دەمەکێ کێم مستەفا کازمی سەرۆکوەزیرێن
عێراقێ گەهشتە قەزا شنگالێ و ل گۆرەی زانیاریێن نووچەگەهانێ ئێن ئاڕ تی، بڕیارە ل
بارەگایێ فرقەیا شەش یا سوپایێ عێراقێ دگەل بەرپرسێن ئەولەهیێ بجڤیت.
ئەڤرۆ چارشەمبێ، نەزیر شنگالی نووچەگەهانێ
ئێن ئاڕ تی ل قەزا شنگال ڕاگەهاند، بەریا دەمەکێ کێم مستەفا کازمی سەرۆکوەزیرێن
عێراقێ گەهشتە وێ قەزایێ و لسەر ڕەوشا سنوران و مەترسیا داعش دگەل بەرپرسێن عێراقێ
بجڤیت.
هەر لگۆرەی زانیاریێن نووچەگەهانێ ئێن ئاڕ تی،
کازمی دێ ل بارەگایێ فرقەیا شەش یا سوپایێ عێراقێ دگەل هەرئێک ژ بەرپرسێ هەواڵگریا
عێراقێ ل موسل و سەرۆکێ دەزگەهێ ئاسایشا نشتیمانی و بەرپرسێ ژۆرا ئۆپەراسیۆنێن
نەینەوا و چەند بەرپرسێن دی یێن وێ دەڤەرێ جڤیتن.
دیارژیکر، سەردان و جڤین ژبوی وێ مەرەمێ یە
ڕەوشا سنوران ژ نێزیک ببینیت و هێزێ لسەر سنوری پشتی سەرهلدانا داعش ل رۆژئاڤایێ کوردستانێ زێدەىبکەتن.
ئەڤە د دەمەکێ دایە، شەڤا ٢٠ی ڤێ مەهێ چەند چەکدارێن داعش هێرشکرنە سەر زیندانا
غۆێران ل باژێرێ حەسەکێ یا رۆژئاڤایێ کوردستانێ و ترۆمبێلەکا سوتەمەنیێ تەقاندن و
پشترە ماترۆسیکلەک ل تەنیشت دیوارێ گرتیگەهێ تەقاندن و ترۆمبێلەکا بۆمبەکری ژی ل
هەمان جهی تەقاندن و شەڕی دەستپێکر و هەر ب وێ سەدەمێ ژی بەشەک ژ زیندانیێ وێ
زیندانێ یێن داعش ڕەڤین و هەیا نها ژی ب دەهان کەس هاتینە کوشتن ب هزاران کەسێن دی
ژی ئاوارەبووینە.
هەر ژبەر وێیەکێ، سەرۆکوەزیرێن عێراقێ سەرەدانا قەزا
شنگالێ کریە ژبوی وێیەکێ ڕەوشا سنوران ژ نێزیک ببینیت و ئامادەکاریێن تەمام بۆ رووبرووبونا
هەر ئەگەرەکێ سەرهلدانا داعش و مەترسیا وێ بۆ سەر دەڤەرێ بکەتن.