AM:11:24:26/01/2022
1748 جار خوێندراوەتەوە
+
-
سەقاناسیا هەرێمێ دبێژیت، سوبەهی پێنجشەمبێ
پێلەکا بەفر و باران بارینێ دێ بەرەڤ هەرێمێ هێتن و لسەنتەرێ باژێرێ دهۆکێ و بەشەک
ژ باژێر و پارێزگەهێن هەرێمێ دێ بەفر باریت.
رێڤەبەریا گشتیا سەقاناسی و عەردهەژزانا هەرێمێ ڕاگەهاند، ئەڤ
شەڤە چارشەمبی د دەمێن درەنگی دا کارتێکرنا پەستانا دەریایێ سپی و ناڤەڕاست دێ کار
کەتە سەر دەڤەرێن هەرێمێ دگەل بارستە هەوایەکێ سار.
دیارژی کریە، لگۆرەی پێشبینیان سوبەهی سپێدێ
ل دەڤەرێن چیای یێن پارێزگەها دهۆکێ و ئێڤاری ژی لسەنتەرێ وێ پارێزگەهێ دێ بەفر باریت،
هەڤدەم گوتژی، پشتی نیڤرۆیا رۆژا ئەینی کارتێکرنا وێ پێلێ دێ بداوی هێتن.
ئاماژە ب وێیەکێ ژی کریە، سوبەهی پلەیێن
گەرمێ دێ بەرەڤ نزمبوونەکا زێدەتر چن و ل
پارێزگەها دهۆکێ نزمترین پلەیا گەرمێ دێ ٣ێ پلەیێن سیلیزی بیت و بلنترین پلەیا
گەرمێ یا دهێتە پێشبینیکرن ١٣ پلەیێن سیلیزی دبیت.
هەڤدەم، بەحسا وێیەکێ ژی کریە، ل پارێزگەها
هەولێرێ بەفر دێ باریت و ل سلێمانیێ ژی سپێدەهیێ ل دەڤەرێن چیای و ئێڤاری لسەنتەرێ
باژێری بەفر دێ باریت، ل پارێزگەها
هەلەبجە ژی، سپێدەهیێ ل دەڤەرێن چیای باران و بەفر دێ باریت و ئێڤاری ژی لسەنتەرێ
باژێری بەفر دێ باریت.