AM:09:03:26/01/2022
604 جار خوێندراوەتەوە
+
-
هێزێن سوریا دیموکرات ڕاگەهاند، ٨٠٠ چەکدارێن
داعش یێن ڕەڤی ژ زیندانا غۆێران خۆ ڕادەستی هێزێن وان کریە، دبێژیت ژی، زێدەتر ژ
٢٥٠ چەکدارێن داعش هاتینە کوشتن.
فەرهاد شامی بەرپرسێ ڕاگەهاندنا هێزێن سوریا
دیموکرات بۆ ئێن ئاڕ تی ڕاگەهاند، پشتی شەش رۆژان ژ بەردەوامبوونا شەڕی دناڤبەرا
چەکدارێن داعش و هەسەدێ دا ل زیندانا غۆێران، ٨٠%ێ یا زیندانێ هاتیە کۆنترۆلکرن و
چاڤەرێ ژی دکەن د دەمەکێ نێزیکدا ب تەمامی زیندانێ کۆنترۆلبکەن.
فەرهادا شامی گوتژی، نەهـ شەڕڤان وەکی دیل ل
دەڤ ژ ئالیێ وان چەکداران ڤە هاتبوونە گرتن هاتن رزگارکرن.
بەحسا وێیەکێ ژی کر، چەکدارێن داعش زێدەتر ژ
٥٠ وەلاتیێن سڤیل کرینە دیل و گەفێن کوشتنێ دکەن ئەگەر زیندانێ چولنەکەن، لێ
ئۆپەڕاسیۆنا وان بەردەوامە هەیا وی دەمێ بتەمامی زیندان و هەمی ئەوێن ڕەڤین
دەستەسەربکەن و وان وەلاتیێن سڤیل ژی رزگار بکەن.
زیندانا غوێران دکەڤیتە پارێزگەها حەسەکێ ل
رۆژئاڤایێ کوردستانێ و نێزیکی پێنج هزار چەکدارێن داعش تێدانە.
شەڤا ٢٠ی ڤێ مەهێ چەند چەکدارێن داعش هێرشکرنە
سەر وێ زیندانێ و ترۆمبێلەکا سوتەمەنیێ تەقاندن و پشترە ماترۆسیکلەک ل تەنیشت دیوارێ
گرتیگەهێ تەقاندن و ترۆمبێلەکا بۆمبەکری ژی ل هەمان جهی تەقاندن و شەڕی دەستپێکر و
هەر ب وێ سەدەمێ ژی بەشەک ژ زیندانیێ وێ زیندانێ یێن داعش ڕەڤین و هەیا نها ژی ب
دەهان کەس هاتینە کوشتن ب هزاران کەسێن دی ژی ئاوارەبووینە.