PM:11:31:25/01/2022
852 جار خوێندراوەتەوە
+
-
ئەڤرۆ سێشەمبێ، بۆ جارا دووێ بهایێ پەترۆلێ ب
ئاوایەکێ بەرچاڤ بلندبوویە و دنهادا ئێک بەرمیلا پەترۆلا برێنت ب ٨٨ دۆلاران بازار
پێ دهێتەکرن، کو ئەڤرۆ گەهشتە ٨٦ دۆلاران بۆ ئێکەم جاربوو بگەهیتە هەمان بهایێ
حەفت سالێن دەربازبووی.
دگەل
ئالۆزبوونا ڕەوشا رۆژهەلاتا ئەورۆپا و بلندبوونا ئاستێ مەترسیێ د کورتئینانا بڕێ پێتڤی
یێ سوتەمەنیێ دا بگشتی، بهایێ پەترۆلێ زێدەتر بلندبوو و دنهادا بهایێ ئێک بەرمیلا
پەترۆلا برێنت گەهشتیە ٨٨ دۆلاران.
بەریا نها، بهایێ ئێک بەمیلا پەترۆلێ ب رێژەیا
١.٨%ێ بهایێ وێ داکەت، لێ دوهی ئێڤاری د بازارێن جیهانێ دا ب رێژەیا ٠.٧%ێ ب بهایێ
٦٠ سەنتان بلندبوویە، بڤێ ژی بهایێ پەترۆلێ گەشتە وی ئاستێ کو حەفت سالان بەریا
نها بازار پێ دهاتەکرن.
لهەمبەر وێیەکێ ژی، پەترۆلا خاڤا ئەمریکی ب بهایێ
٤٥ سەنتان و ب رێژەیا ٠.٥%ێ بهایێ وێ بلندبوو و ئێک بەرمیلا پەترۆلێ ب ٨٣ دۆلار و
٧٦ سەنتان بازار پێ دهاتەکرن، د دەمەکێ دا ئێڤاریا رۆژا دووشەمبێ ب رێژەیا ٢٢%ێ
بهایێ وێ داکەت.
هەروەسا، ئێڤاریا رۆژا دووشەمبێ، رێکخراوا هەڤپەیمانیا
باکورێ ئەتلەسێ ڕاگەهاند، وەلاتێن ئەندام یێن هەڤپەیمانیێ هێزێن خۆ دئێخنە د حالەتێ
ئامادەباشیێ دا و ل رۆژهەلاتا ناڤەڕاست بەلاڤ دکەن و چەند کەشتی و بالەفڕژی شاندینە
دەڤەرێ ب مەرەما بەرەڤ پێشڤەچوونا لڤینێن سەربازی یێن سەر سنورێ ئۆکرانیا.
ژ ئالیێ خۆڤە ژی، ساتورویوشیدا، ڕاڤەکەرێ
کالاکان ل ڕاکۆتین سکیورینیزی ڕاگەهاند، ئەگەرێن داکەتنا بهایێ پەترۆلێ د بازارێن
جیهانێ دا ب ئاوایەکێ سنوردار دێ مینیت، ژبەرکو ئالوزتربوونا ڕەوشا ئۆکرانیا و رۆژهەلاتا
ئەورۆپا بهایێ پەترۆلێ ب ئاوایەکێ بەرچاڤ بلند دکەت.