PM:06:26:25/01/2022
716 جار خوێندراوەتەوە
+
-
د پرۆسەیا نۆژەنکرنا مزگەفتا (نور) ل موسل؛
کو د دەمێ شەڕێ داعشدا بسەدەما بۆمبەبارانان هەرفی بوو، تیمێن لێگەریان و
پشکنینان، مزگەفتا کەڤ و ڕاستەقینە دبن مزگەفتا هەرفی دا دیتن، کو ژ چار هولێن
نڤێژخاندنێ پێکهاتیە و ژیێ وێ ژ ٨٠٠ سالان زێدەتر دبیت.
رۆپەلێن عێراقی بەلاڤکرینە، دیتنا وێ ژ ئالیێ
تیمەکا ٤٠ کەسی ڤە یا زانایێن شوێنەواری و کارکەرێن دەستەیا گشتییا شوێنەواری و کلتوریا
عێراقێ ڤە بوویە، کو ل جهێ مزگەفتا (نور)
کاردکەن، کو کارکرنا وێ تیمێ ژی د کڤانێ پرۆژەیێ یونسکۆیە بۆ دووبارە ئاڤاکرنا
مزگەفتێ.
دەربارەی دیتنا مێژوویا شوێنەواری رێکخراوا
یونسکۆ د ڕاگەهاندنەکێ دا بەلاڤکریە، "پێکڤە کار لسەر ئاخکرنا روحا موسل
دکەین، یونسکۆ و هەمی هەڤکار و پشکداران چ پێ چێببیت ل پێناڤ گەرەنتیا پاراستنا
مزگەفتا نور و نویژەنکرنا وێ دێ
ئەنجامدەین، ب ئاوایەکێ ئەڤ ئاڤاهیێ
مێژووی، کو ژیێ وی هەشت سەدە زێدەترن، بۆ هەمی دونیایێ باشبیت".
مزگەفتا نور، ئێک بوویە ژ سیمبولێن موسل و ل
سالا ٢٠١٦ێ بۆ ٢٠١٧ێ؛ ل دەمێ شەڕێ داعش و کۆنترۆلکرنا وی باژێری ژ ئالیێ رێکخراوا
چەکداریا داعش ڤە، بسەدەما بۆمبەباران و شەڕی هەرفی بوو، ل سالا ٢٠١٨ێ ژی ب
هەڤکاریا یونسکۆ و مەزاختنا پارەی ژ ئالیێ دەولەتا ئیماراتا عەرەبی ڤە، دەست ب
کاری هاتەکرن بۆ نویژەنکرنا وێ، کو ژبوی نویژەنکرنا موزگەفتێ ٥٠ ملیۆن دۆلارێن
ئەمریکی و پێنج سالا وەکی پێتڤی هاتبوون دانان.
دنهادا و ل دەمێ مژیلبوون ب کارێن نویژەنکرنا
مزگەفتێ، دبن مزگەفتا نوردا مزگەفتا ڕاستەقینە دهێتە دیتن؛ کو ژیێ وێ ٨٠٠ سال زێدەترن.