سوبەهی و دووسبە مووچەیێ ڤان جهان دێ هێنە پارڤەکرن

AM:11:55:25/01/2022

3264 جار خوێندراوەتەوە

+ -

ژێدەرەکی ژ وەزارەتا دارایا حکومەتا هەرێمێ بۆ ئێن ئاڕ تی ڕاگەهاند، سوبەهی مووچە وەزارەتا پێشمەرگە و دووسبە ژی یەکەیێن ٧٠ و ٨٠ هێنە پارڤەکرن.

ئەڤرۆ سێشەمبی، ژێدەرەکی ژ وەزارەتا دارایا حکومەتا هەرێمێ بۆ ئێن ئاڕ تی ڕاگەهاند، سوبەهی مووچە وەزارەتا پێشمەرگە و دووسبە ژی یەکەیێن ٧٠ و ٨٠ هێتە پارڤەکرن.

بەریا نها، ژێدەرەکێ ژ وەزارەتا داراییا هەرێمێ بۆ ئێن ئاڕ تی ڕاگەهاند، ئەڤرۆ پارڤەکرنا مووچەی دێ دەستپێکەت، د دەمەکێ دا هەیا نها مووچەیێ بەشەک ژ خانەنشینان نەهاتیە پارڤەکرن.

لدویف ژێدەری، ٢٥ی ڤێ مەهێ دێ دەست ب پارڤەکرنا مووچەیێ مەها ئێک هێتەکرن و وەزارەتا ساخلەمیێ دێ ئێکەم وەزارەت بیت کو مووچەی وەربگریت.

ئاماژە ب وێیەکێ ژی کر، ل ٢٨ی ڤێ مەهێ هەیا چاری مەها داهاتی پارەیێ فرۆتنا پەترۆلا هەرێمێ ژی دێ گەهیتە وەزارەتا دارایی.

ئەڤە ژی ددەمەکێ دایە، داهاتێ حکومەتا هەرێمێ مەهانە زێدەترە ژ دوو ترلیۆن دیناران، د دەمەکێ دا هەمی مووچەیێ فەرمانبەران پێتڤی ب ٩٠٠ ملیار دینارانە، لێ حکومەت مەهانە چاڤێ وێ ل ٢٠٠ ملیار دینارێن بەغدا یە و ب وێ هێجەتێژی پارڤەکرنا مووچەی پاشدکەڤیت و د دەمێ خۆدا ناهێتە پارڤەکرن.