PM:08:29:24/01/2022
3004 جار خوێندراوەتەوە
+
-
نووچەگەهانێ ئێن ئاڕ تی ڕاگەهاند، ل گوندێ حساوی یێ سەر ب قەزا میقدادیە، داعش هێرشکریە سەر هوزا تەمیم و لدویف زانیاریێن دەستپێکی دوو ژ ئەندامێن وێ هوزێ هاتنیە کوشتن.
دیار محەمەد، نووچەگەهانێ ئێن ئاڕ تی ڕاگەهاند، ل گوندێ حساوی یێ سەر ب قەزا میقدادیە، داعش هێرشکریە سەر هوزا تەمیم و لدویف زانیاریێن دەستپێکی دوو ژ ئەندامێن وێ هوزێ هاتنیە کوشتن، گوت ژی، ئەو هوزە هوزەکا شیعەیە.
دیارکر ژی، موسەنا عەلی پارێزگارێ دیالە ژی سەر ب وێ هوزێ یە.
بەحسا وێیەکێ ژی کر، د نهادا هێزێن ئەولەکاریا کەرکوکێ ئێخستینە د حالەتێ ئامادەباشیێ دا بۆ هەر حالەتەکێ نەخازیار.
ئەڤە پشتی وێ یەکێ دهێت، دەمەکە هێرشێن چەکدارێن داعش ل چەند دەڤەرێن عێراقێ بەرەف زێدەبوونێ چووینە، ب تایبەتێ ل وان دەڤەرێن ئاریشەیا ڤالاهیا ئەولەکاری هەی دناڤبەرا هێزێن پێیشمەرگە و ئارتێشا عێراقێ.
گرۆپێ چەکداریێ داعش ل سالا ٢٠١٤ێ کارین دەست بسەر رووبەرەکێ بەرفرەهێ ئاخا سوریا و عێراقێ دا بگرن، پشترا ب هەڤکاریا ئەمریکا و هێزێن هەڤپەیمانیا ناڤدەولەتیا دژی داعش ل سالا ٢٠١٧ێ حکومەتا عێراقێ شکەستنا وی گرۆپی د ئاخا عێراقێ دا ڕاگەهاند، لێ هەیا نها لڤینێن شانەیێن نڤستیێن وی گروپی ل چەند دەڤەران بەردەوامی هەیە.