PM:06:50:24/01/2022
1104 جار خوێندراوەتەوە
+
-
پشتی وەغەرکرنا شاهزادە فلیپ هەڤژینێ شاهژن ئیلیزابێزا دووێ؛ جارەکێ پرسا خێزانی یا شاهانە و کی دێ بیتە شاهـ د خێزانێدا سەرهلدایە، د نهادا دووبارەی ئەو بابەتە بوویە جهێ بەحسکرنا میدیایێن بەریتانیا.
د نهادا ئەو بابەتە بوویە بەحسەکێ گەرمێ میدیایێن بەریتانی و چەند میدیایێن جیهانی؛ لدویف راپورتەکا پێگەهێ یاهۆ نیوز یا ئەمریکی؛ شاهزادە جۆرج، د رێزبەندیا سێیێدایە بۆ وەرگرتنا کورسیا دەستهەلاتێ، ژبلی وێ یەکێ ژی د لوتکەیا رێزبەندیا سامانێ خێزانێ یە کو خۆدانێ چار ملیار دۆلارایە.
لدویف راپۆرتەکا یاهۆ نیوز، ژ روویێ سامانێ خێزانێ، شاهژنا ئیلیزابێزا دووێ ل پلەیا دووێ دهێت، کو کۆما سامانێ وێ دگەهیتە ٦٠٠ ملیۆن دۆلاران، پشتی وێ ژی شاهزادە چارلز و پشتی وی ژی خویشکا وی ئەندۆر دهێن.
لدویف وێ یەکێ ئیلیزابێز شاهژنا ئینگلتەرا ١٥% ی داهاتێ کۆمپانیا کراون سێت و هەر ئێک ژ داهاتێ "دۆقیەیا لانسکتر"ی ب دەست دکەڤیت، ددەمەکیدا چ پشکەک ژ وان کۆمپانیاندا نینە.
چارلز، شاهزادە وێلز، جێگرێ کورسیا پاشایەتیێ و پاشایێ ئینگلتەرایا بهێت، سامانێن وی دگەهیتە، ١٠٠ ملیۆن دۆلاران، بتنێ بۆ وێ یەکێ بچیتە سەر کورسیا پاشایەتیێ مووچەیێ وی دێ بلندبیت و پشکەک ژ وی سامانێ شاهژن بجهدهێلیت، ب میرات دێ بۆ مینیت.