AM:09:55:24/01/2022
1188 جار خوێندراوەتەوە
+
-
وەزیرێ بازرگانیا عێراقێ بڕیاردا ب پارڤەکرنا
سەبەتێن خۆڕاکی یێن تایبەت ب خانەیا زارۆکێن بێ سەمیان و ناڤسالڤەچوویا و خۆدان
پێتڤیێن تایبەت. دبێژیت ژی، "سەبەتێن خۆڕاکی ژ حەفت ماددەیان
پێکهاتینە".
وەزارەتا بازرگانیا عێراقێ د ڕاگەهاندنەکێ دا
ئاشکراکریە، عەلا جبوری وەزیرێ بازرگانیا عێراقێ فەرمان ئاڕاستەی ئیدارا کۆمپانیا
گشتی بۆ بازرگانیا ماددەیێ خۆراکی کریە بۆ پارڤەکرنا بلەز یا سەبەتێن خۆراکی بسەر
خانەیا زارۆکێن بێ سەمیان و ناڤسالڤەچوویا و خودان پێتڤیێن تایبەت ل هەمی
پارێزگەهان.
ڕاگەهاندنێ ئاماژە ب وێیەکێ ژی کریە، پارڤەکرنا
سەبەتێن خۆڕاکی بمەرەما پڕکرنا پێتڤیان و گرنگیدانێ یە ب وان سێ توێژا و کێمکرنا
بەشەک ژ ئاریشەیا وان.
بەحسا وێیەکێ ژی کر، سەبەتێن خۆڕاکی پێکدهێن
ژ برنج و ئارد و شەکر و زەیت و نۆک و دۆشاڤ و فاسۆلیا یان نیسک.
رۆژا شەمبیێ، وەزیرێ بازرگانیا عێراقێ
فەرماندایە ب پارڤەکرنا سەبەتێن خۆراکی بسەر ئاوارەیێن کەمپان کو پێکدهاتن ژ دوو
هزار و ٥٠٠ سەبەتان.
ئەڤە د دەمەکێ دایە، دوو رۆژان بەریا نها وەزارەتا بازرگانیا
عێراقێ ڕاگەهاندبوو، ئێکەم سەبەتێ خۆراکی یێ سالا ٢٠٢٢ێ د کڤانێ پسۆلا خۆراکی یێ
مەهانەیێ وەلاتیان دڤێ حەفتیێ دا دێ هێتە پارڤەکرن کو ژ نۆک و فاسۆلیا و برنج و رۆن و شەکر و دۆشاڤا تەماتێ پێکدهێت و
کوالیتیا وێ ژی بلندە.