PM:01:42:23/01/2022
836 جار خوێندراوەتەوە
+
-
ڕۆژنامەیا سەندەیا تایمز
یا بەریتانی بەلاڤکریە، سەرۆک وەزیرێن بەریتانیا بۆریس جۆنسۆن داخازیەکا لێپرسینێ گەهشتیە
وی پشتی کو پەرلەمانتارەکا پارتی پارێزگاران ڕاگەهاند ل پۆستێ وەزارەییا خۆ هاتیە
دویرخستن " ژبەرکو ئەو موسڵمانە".
بەلاڤکرنا وی بابەتی پشتی
وێ چەندێ دهێت، نەسرەت غەنی پەرلەمانتارا بەریتانیا ڕاگەهاند ئەو ل پۆستەکا وەزاری
ل حکومەتا جۆنسۆنی هاتیە دورخستن ژبەرکو هەڤکارێن وێ هەست ب نەئارامیێ کردیە ژبەر
بیروباوەڕێن وێ یێن دینی.
غەنیا ژیێ وێ ٤٩ ساڵ بەحسا
وێ چەندێ ژی کر، وێ ل مەها شوباتا ٢٠٢٠ وەکی وەزیرا دەوڵەتێ بۆ ڤەگوهاستنێ پۆستا خۆ ژدەست دایە، گۆتژی "بەرپرسەکێ دیسپلینا
حکومەتێ ژوێ ڕا ڕاگەهاندیە کو بیروباوەڕێ دینیێ وێ وەکی هەردەم ئاریشە بوویە و ل دەمێ
دەرکردنێ دا ل دژی وێ بلندکریە".
وێ ڕۆژنامێ ئەویەک ژی دایە
دیارکرن، چ بەرسڤێن بلەز دەربارێ داخویانیێن وێ ل نڤیسینگەها جۆنسنی ڤە نەبووینە، لێ
مارک سپێنسەر، بەرپرسێ بۆ دیسپلینێ حکومەتێ ڕاگەهاند، ئەو کەسێ غەنی بەحس ژێ دکەت و
پەیوەندیدارە ب وی بابەتی، گۆتژی" ئەو تۆهمەتە ب تەمامی شاشن و ئەز بناڤ زڕاندن
دزانم و چجاران من ئەو پەیڤە بکار نەئینانە."