PM:12:01:23/01/2022
652 جار خوێندراوەتەوە
+
-
وەزارەتا داد یا حکومەتا هەرێمێ د نڤیسارەکێدا بۆ وەزارەتا ناڤخۆیا حکومەتێ ئاماژە ب وێ یەکێ کر کو گرێبەستا ئەلکترۆنی یا کڕین فرۆتنا ترۆمبێلان بەروڤاژی یاسایێ یە.
ئەڤرۆ ئێکشەمبی، وەزارەتا داد یا حکومەتا هەرێمێ ب نڤیسارەکا فەرمی ب هژمارەیا ١٩٠\٢٠ دەربارەی گرێبەستا ئەلکترۆنی بەرسڤا وەزارەتا ناڤخۆیا حکومەتا هەرێمێ دایە و تێدا هاتیە، گرێبەستا ئەلکترۆنی یا کڕین و فرۆتنا ترۆمبێلان بەروڤاژی پشکا "٥"یا برگەیا یاساییا هاتن و چوونێ یا هژمارە (٨٦)یا سالا ٢٠٠٤ێ هاتیە هەموارکرن.
ئاماژە ب وێ یەکێ ژی کر، لدویف گرێبەستا ئەلکترۆنی چ رۆلەک بۆ بریکارنامەیان ناهێلیت و ئەڤە ژی بەرۆڤاژی دەقێ ماددێ (٤٦)ە ژ یاسایا دادنڤیسی یا هژمارە (٣٣)یا سالا ١٩٩٨ یا هەموارکری.
د نڤیسارا وەزارەتا داد دا هاتیە، بڕیارا گرێبەستا ئولکترۆنی دژی یاسایا شارستانیا عێراقێ یا هژمارە ٣٠یا سالا ١٩٥١یا هەموارکری، کو هەرکەسەکی مافێ پێدانا بریکارنامەیێ هەیە بۆ کەسەکێ دی کو کارەکێ یاسایی پێ بکەت.
د داویا نڤیسارێدا هاتیە، "بفەرموون ب پێداچوونێ ب رێنمایێن گرێبەستا ئەلکترۆنی لدویف یاسایێ".
هێرش قادر، هەولێر