PM:08:39:22/01/2022
1280 جار خوێندراوەتەوە
+
-
ڤەلڤینا نەوەی نوێ پشتی وێیەکێ شیایی ٩
کورسیێن پەرلەمانێ عێراقێ بدەستخۆڤە بینیت، وەکی ئێکەم هێزا سیاسی ل هەمی باژێر و
باژارۆکێن سەرکەفتن تێدا بدەستڤە ئینای نڤیسینگەهێن پەلەمانێ عێراقێ ڤەکرینە.
د ڕاگەهاندنەکێ دا ڤەلڤینا نەوەی نوێ ڕاگەهاند،
ئەڤرۆ ل هەرئێک ژ باژێرێن (سلێمانیێ، هەولێرێ، کەرکوک، هەلەبجە، ڕانیە، قەلادزێ،
کەلار، چەمچەماڵ و کۆیە) نڤێسنگەها پەرلەمانتارێن سەرکەفتی هاتیە ڤەکرن.
د ڕاگەهاندنێ دا ئاماژە ب وێیەکێ ژی کریە،
پەلەمانتارێن نەوەی نوێ ب رێکا ڤان نڤیسینگەهان کارێ وەلاتیان برێدکەن و هەر
پێتڤیەکا هەبوون ل بەغدا وی دەمی پێتڤی ناکەت بچنە وێرێ، بەلکو پەرلەمانتارێن
نەوەی نوێ دێ کارێ وان جێبەجێکەن و دەنگێ وان گەهیننە پەرلەمانێ عێراقێ.
ڤەلڤینا نەوەی نوێ ل سالا ٢٠١٧ێ هاتیە
دامەزراندن و ڤەلڤینەکا ئۆپۆزسیۆنێ یە ل پەرلەمانێ کوردستانێ و د هەلبژارتنا ڤێ
جارێ ژی یا پەرلەمانێ عێراقێ، شیا ٩ کورسیێن پەرلەمانی بدەستڤە بینیت و ڕاگەهاند،
کو بەژداری پێکئینانا حکومەتا نووی ناکەت و دێ هەر وەکی ئۆپۆزسیۆن مینیت.