سەرنووچە:

نوویترین زانیاری لسەر مووچەیێ ڤێ مەهێ

PM:07:30:22/01/2022

3872 جار خوێندراوەتەوە

+ -

ژێدەرەکێ ژ وەزارەتا دارایی بۆ ئێن ئاڕ تی ڕاگەهاند، هەڤئاوایێ مەها دەربازبووی مووچەیێ مەها کانونا دووێ ل ٢٥ی مەهێ دێ دەست ب پارڤەکرنێ هێتەکرن.

گوتژی، ئێکەم وەزارەت؛ دێ وەزارەتا ساخلەمیێ بیت و پشتڕە رۆژانە ناڤێ وەزارەتێن دی دێ هێتە ڕاگەهاندن.

ئەو ژی پشتی وێیەکێ دهێت، لسەر پارڤەکرنا مووچەیێ هەرئێک ژ مەهێن تشرینا دووێ و کانونا ئێکێ، وەزارەتا داراییا هەرێمێ گەلەک سستبوو و ب وێ سەدەمێ ژی پارڤەکرنا مووچەی هەیا ڤی دەمی ژی تەمام نەبوویە و هێشتا بەشەک ژ وەزارەتان مووچەیێ مەها ١٢ وەرنەگرتینە.

هێجەتا حکومەتا هەرێمێ بۆ سستیا پارڤەکرنا مووچەی نەبوونا داهاتی یە و دبێژن، داهاتێ پێتڤی لبەردەست نینە، ئەو ژی زێدەباری وێیەکێ یە کو فرۆتنا پەترۆلا هەرێمێ ب ئاوایەکێ سەربەخۆیە و داهاتێ خالێن سنوری بۆ وێ بخۆیە، لێ چاڤێ وێ ل ٢٠٠ ملیار دینارێن بەغدا یە، خۆ ئەگەر مەهەکێ بەغدا لسەر شاندنا ٢٠٠ ملیار دیناران ژی پاشبکەڤیت، وی دەمی حکومەت ژی پارڤەکرنا مووچەی پاشدئێخیت و سست دبیت، لسەر ئەگەرێن نەشاندنا ٢٠٠ ملیار دیناران ژ ئالیێ بەغدا ڤە ئەگەرێن لێبڕینیێ دئیننە بەر بەحسکرنێ.

بۆ مەها دەربازبووی؛ پارڤەکرنا مووچەی ل رۆژا ٢ی مەهێ دەستپێکر و پرۆسە گەلەک ب سستی برێڤەچوو، ل داویێ ژی دەما کو پارڤەکرنا مووچەیێ هەمی وەزارەتان هاتیە ڕاگەهاندن، سەقا ب ئاوایەکێ بوو؛ کو بەفرەکا زۆر باریبوو و وەلاتیان شیانێن هاتن و چوونێ نەبوون.

بەریا نها ژی، حکومەتا هەرێمێ بانگەشەیا وێیەکێ کربوو، کو دێ ٢٥ی هەمی مەها مووچەی پارڤەکەتن، د دەمەکێ دا، پارڤەکرنا مووچەی ژ ئالیێ حکومەتا فیدڕالی ڤە ل ١٧ی مەهێ هەیا ٢٥ی مەهێ دەستپێدکەت.

 

گەلەری