PM:03:09:20/01/2022
952 جار خوێندراوەتەوە
+
-
کۆریا باکور ئاماژە ب
وێ چەندێ دایە کو دخازیت دەست ب تاقیکرنا مووشەکێن بالستیێن دوور هاڤێژ بکەتەڤە کو
شیانا هەلگرتنا کلاڤیێ ئەتۆمی هەیە.
میدیایێن جیهانی ژ ئاژانسا
فەرمیا نووچەیێن کۆریا باکور بەلاڤکریە، کۆریا باکور ئاماژە ب دەمێ دەستپێکرنا
تاقیکرنا مووشەکا بالستیا دوویرهاڤێژ و چەکێ ئەتۆمی کریە.
ئاماژە ب وێ ژی کریە،
مەکتەبا سیاسیا پارتا کرێکارێن دەستهەلاتدار کو کیم جۆن ئۆن سەرۆکاتیێ لێ دکەت،
ئامادەییاخۆ ڕاگەهاندیە بۆ ڕووبە ڕووبوونا دەم درێژ دگەل ئەمریکا.
ئەو یەکژی دایە
دیارکرن، جڤینا مەکتەبا سیاسی و لیژنەیا ناڤەندێا پارتا کرێکارێن کۆرریا باکور
ڕێنمایی ب کەرتێ تایبەت دایە، ژبۆی کو ب ئاوایەکێ کتوپڕ ژ پرسا دوبارە خستنە کارا
هەمی وان چالاکیێن کو ب ئاوایەکێ دەمی هاتینە ڕاوستاندن دەست پێ بکەنەڤە کو وەسا
دیارە پرۆگرامێ مووشەکێن دوورهاڤێژ و چەکێ ئەتۆمی ژی بخۆڤەبگرن.
ل دیڤ ئاژانسا فەرمیا
نووچەیا کۆریا باکور، کیم جۆن ئۆن سەرۆکێ کۆریا باکور سەرۆکایەتیا جڤینا مەکتەبا
سیاسی کریە و داخازکریە ڕێکار بهێنە ئامادەکرن بۆ ڕووبەڕووبوونا ئەمریکا ل داهاتی
دا.
پێشتر و ل سالا ٢٠١٨ ێ
سەرۆکێ کۆریا باکور ڕاگرتنا تاقیکرنا چەکێ ئەتۆمی و مووشەکا بالستیا کێشوەربڕ ڕاگەهاندبوو،
لێ پشتی شکستئینانا گۆتوبێژان دگەل دۆنالد ترەمپی سەرۆکێ بەرێ یێ ئەمریکا ل سالا
٢٠١٩ ێ، گەفا زڤڕینا دەستپێکرنا چالاکیان کرەڤە.