PM:10:06:17/01/2022
3760 جار خوێندراوەتەوە
+
-
دەمێ ٢٠ رۆژانە حکومەتا
هەرێمێ دەست ب پارڤەکرنا مووچەی کریە و هێشتا چەندین جهـان مووچە وەرنەگرتیە، سستیا
د پارڤەکرنا مووچەی ژیدا د دەمەکێ دایە بهایێ پەترۆلێ بەردەوام د بلندبوونێ دایە و
کوما وی داهاتێ حکومەتێ د فرۆتنا پەترۆلێ دا بدەست دکەڤیت زێدەتری ملیارەک دۆلارە.
هەرچەندە دڤیا رۆژا چارشەمبا دەربازبووی،
مووچەیێ دەزگەهێ گشتیێ ئاسایش پارڤەبکرا، لێ هەیا نها مووچەیێ ئاسایشا سنورێ
سلێمانیێ و هەلەبجە و ئیدارا گەرمیان و راپەڕین نەهاتیە پارڤەکرن.
ژێدەرەکێ ژ وەزارەتا داراییا هەرێمێ بۆ ئێن
ئار تی ڕاگەهاند، ئەوان بڕیارا پارڤەکرنا مووچەیی هێزێن ئاسایشێ دایە، لێ
دابینکرنا پارەیێ پێتڤی بۆ وان هێزان لسەر ملێ داهاتێ ناڤخۆیێ وی سنوری یە.
لگۆرەی ژێدەرەکێ، "پارتی کۆژمێ خۆ
دابینکریە و مووچەیێ هەمی هێزێن ئاسایشا هەولێر و دهۆکێ پارڤەکریە، لێ سنورێ
سلێمانیێ و هەلەبجە ئاریشەیا ڤەگەراندنا داهاتی هەیە و هەیا نها ئەو پارەیە
نەهاتیە ڤەگەراندن کو مووچەیێ ئاسایشێ د وی پارەی دا دهێتە دابینکرن".
ئەو ژی د دەمەکێ دایە، حکومەتا هەرێمێ بەریا
نها بانگەشەیا وێیەکێ کریە، کو ٢٥ی هەمی مەهان مووچە دێ هێتە پارڤەکرن.
داهاتێ پەترۆلێ ب بۆڕیان
زێدەترە ژ ترلیۆنەک و ٢٠٠ ملیا دیناران و هخەمی داهاتێ اڤخۆژی زێدەترە ژ ٥٠٠ ملیار
دیناران دگەل هەڤکاریێن مەهانە یێن هەڤپەیمانان کو دکەن ٢٨ ملیار دینار، لێ حکومەتێ
بۆ پارڤەکرنا مووچەی چاڤێ وێ ژ ٢٠٠ ملیار دینارێن بەغدایە.