PM:07:08:17/01/2022
820 جار خوێندراوەتەوە
+
-
وەزارەتا پێشمەرگەی د ئاگەهاداریەکێ دا
دبێژیت، پشتی ٢٠ی ڤێ مەهێ هەر پێشمەرگەیەکێ ڤاکسینێ وەرنەگریت دێ لێپرسینا یاسای
دگەلدا هێتەکرن و مووچەیێ وی دێ هێتە ڕاگرتن.
وەزارەتا پێشمەرگەیێ هەرێمێ ئاگەهداریەک
بەلاڤکریە و تێدا هاتیە، "هەمی
رێڤەبەری و یەکەیێن سەر ب هێزێن پێشمەرگەی ڤە ئاگەهدار دکەین کو د زووترین دەم دا،
ل نێزیکترین بنگەهێ ساخلەمیێ ڤاکسینێ وەربگرن".
ئاماژە ب وێیەکێ ژی کر، "داوی موولەت بۆ
وەرگرتنا ڤاکسینێ ٢٠ی ١ی ٢٠٢٢یە و پشتی ڤێ بەروارێ، هەر کەسەکێ ڤاکسین
وەرنەگرتبیت، دێ رێکارێن یاسای دگەلدا هینەکرن و مووچەیێ وی دێ هێتە ڕاگرتن".
سالا دەربازبووی ژی، وەزارەتا دادا هەرێمێ بڕیاردابوو
ل دەستپێکا هاتنا سالا ٢٠٢٢ێ دڤێت هەمی فەرمانبەرێن وەزارەتا وان ڤاکسینێ وەربگرن
و گوت، "ئەو کارمەندێ ڤاکسینێ وەرنەگریت نەشێت لسەر کارێ خۆ بەردەوام
بیت".