PM:05:54:17/01/2022
828 جار خوێندراوەتەوە
+
-
کۆمپانیا داناغاز،
پشتی ٢٤ دەمژمێران ژ ئاخفتنێ بەرسڤا سەرۆکا فڕاکسیۆنا نەوەی نوێ ل پەرلەمانێ
عێراقێ دا و ئاخفتنێن وێ ڕەتکرن.
دوهی ئێکشەمبێ، سروە
عەبدولواحید سەرۆکا فڕاکسیۆنا نەوەی نوێ ل پەرلەمانێ عێراقێ د تویتەری دا
دیارکریە، "پێتڤیە گرێبەستێن کۆمپانیا داناغاز بهێنە هەلوەشاندن و لێپرسین
دگەل وان بهێتەکرن لسەر وێیەکێ کو ئاستێ بەرهەمئینانا غازێ زێدەکریە و خەلک د
قەیرانا بێ غازیێ دا دناڵینن".
د بەرسڤێ دا، کۆمپانیا داناغاز د زەلالکرنەکێ دا بەحسا وێیەکێ
کرییە، "ب درێژیا ١٤ سالێن دەربازبووی کۆمپانیا داناغاز و کرێست پترۆلیۆم ل
شوینا کۆنسۆرتیۆما پێرڵ پترۆلیۆم کێلگەهێن غازی کۆرمۆر و چەمچەماڵ برێڤە دچیت و
غازێ دابین دکەت بۆ وێستگەهین کارەبی یێن هەرێما کوردستانێ کو ب وێ سەدەمێ شیایە
٨٠%ێ کارەبا هەرێما کوردستانێ دابینبکەتن ب سوتەمەنیەکا ئەرزان".
ئاماژە ب وێیەکێ ژی
کریە، "رۆژانە ١٦ هزار بەرمیلێن کۆندێنسەیت و هزار تۆن غازا شل بەرهەم دئینیت
و پێرڵ و لبەرە ل سالا ٢٠٢٣ێ ئاستێ بەرهەمئینانێ ب رێژەیا ٥٥%ێ زێدەبکەتن".
دبێژیت ژی، "وەبەرئینەرێن مە بوویە سەدەمێ پلاشکەفتکرنا تێچوویا سوتەمەنیێ ب
کۆژمێ ٢٠ ملیار دۆلاران".
کۆمپانیا داناغاز
بەحسا وێیەکێ ژی کریە، "وێ پەرلەمانتارێ ئاماژە ب وان سەرکەفتنان
نەکریە".
دنهادا قەیرانا غازێ بەرۆکێ
وەلاتیێن هەرێما کوردستانێ گرتیە،
کۆمپانیا داناغاز د ڕاپۆرتەکێ دا ڕاگەهاندیە، سالا دەربازبووی بەرهەمئینان ل
هەرێما کوردستانێ ب رێژەیا ٥٠%ێ زێدەکریە.
زێدەباری بلندبوونا
رێژا بەرهەمئینانا غازێ، قەیرانا غازێ ژی ل هەرێمێ دەستپێکریە و ب وی ئاوای ژی
بزەحمەت بۆتلەکێ غازێ ب ١٥ هزار دیناران ب دەست وەلاتیان دکەڤیت.