PM:04:30:17/01/2022
1292 جار خوێندراوەتەوە
+
-
پەیڤدارێ حکومەتا
هەرێمێ ڕاگەهاند، بڕیار هاتیەدان چاکسازی د مووچەیێ فەرمانبەران دا بهێتەکرن، لێ
مووچە ناهێتە کێمکرن، بەلکو چاکسازی دێ د وان فەرمانبەران دا هێتەکرن، کو مووچەی
وەردگرن و کار ناکەن، بندیوارن.
ئەڤرۆ دووشەمبێ،
جوتیار عادل پەیڤدارێ حکومەتا هەرێما کوردستانێ بۆ میدیایێن پارتی ڕاگەهاند، د جڤینا
جڤاتا وەزیران دا بڕیارا سندوقا خانەنشینیێ هاتیە دان و دێ هێتە جێبەجێکرن.
ئاماژە ب وێیەکێ ژی
کر، بڕیار داینە ژ مووچەیێ فەرمانبەران بهێتەکێمکرن، لێ مووچە ناهێتە کێمکرن، بەلکو
چاکسازی د فەرمانبەران دا بهێتەکرن، کو مووچەی وەردگرن و کارناکەن، بندیوارن.
بەحسا وێیەکێ ژی کریە،
پلانا حکومەتێ پالدانا کەرتێ تایبەت و
بەرهەمئینەرانە، دناڤدا و دەرڤە، هەیا داهاتێ هەرێما کوردستانێ هەمەجۆر بکەین و ژ
ئێک ژێدەرێ داهاتی بکەینە چەندین ژێدەرێن داهاتی.
دەربارەی ٢٠٠ ملیارێن
بەغدا، پەیڤدارێ حکومەتا هەرێمێ بەحسا وێیەکێ ژی کریە، ئەو کۆژمێ پارەی هاتیە
پەسەندکرن لێ رێکارێن تەکنیکی تەمام نەبووینە.
ئەڤە ژی د دەمەکێ دایە، بەردەوام حکومەتا هەرێمێ بانگەشەیا
نەبوونا داهاتێ پێتڤی دکەت و ب سەدەمەکێ جودا مووچەیێ فەرمانبەران ب ئاوایێ لێبڕین
پارڤەدکەت یان ژی د دەمەکێ دیارکری یێ خۆدا پارڤەناکەت. بەریا نها ژی ل گۆر گوتنا
بەرپرسێن بلندێن حکومەت و حزبی گەندەلیا ئیداری و دارایی بەرۆکێ حکومەتێ گرتیە، ژ
دیارترینا مووچەخۆرێن بندیوار کو کۆژمەکێ ژ داهات و مووچەیێ فەرمانبەران دبەن و
بێی وێیەکێ چ دەوامەکا فەرمی جێبەجێبکەن
مووچەی وەردگرن.