PM:02:41:17/01/2022
2000 جار خوێندراوەتەوە
+
-
ژێدەرەکی ژ وەزارەتا دارایی و ئابوریا هەرێمێ بۆ ئێن ئاڕ تی ڕاگەهاند، سوبەهی مووچەیێ هەرئێک ژ وەزارەتێن ڤەگۆهاستن و گەهاندن و سامانێن سروشتی و پلاندانان و پشەسازی و بازرگانی دێ هێتە پارڤەکرن.
ئەڤرۆ دووشەمبی، ژێدەرەکی ژ وەزارەتا دارایی و ئابوریا هەرێمێ بۆ ئێن ئاڕ تی ڕاگەهاند، سوبەهی مووچەیێ هەرئێک ژ وەزارەتێن ڤەگۆهاستن و گەهاندن و سامانێن سروشتی و پلاندانان و پشەسازی و بازرگانی دێ هێتە پارڤەکرن.
زێدەباری کو هەر ئێک ژ پارێزگەهێن سلێمانیێ هەلەبجە بسەدەمێ بارینا بەفرەکا زێدە و دروستبوونا ئاستەنگان ل رێیێن دناڤبەرا پشکەک ژ دەرڤەران، بۆ دەمێ رۆژێن سێشەمبی و چارشەمبی دەواما فەرمی راگرتیە، لێ مووچەیێ وان وەزارەت و رێڤەبەریێن گشتی دێ هێتە پارڤەکرن یێن کو وەزارەتا دارایی ئاماژە پێکری.
ل ٢ی ڤێ مەهێ حکومەتا هەرێمێ دەست ب پارڤەکرنا مووچەی کریە و رۆژانە مووچەیێ ئێک یان دوو وەزارەتان ددەت، یان ژی یێ ئێک جهـ ب تەمامی نادەت.
زێدەباری کو پارڤەکرنا مووچەی ژ رۆژا ٢ی مەهێ دەستپێکریە و هەیا نها وەزارەتا دارایی لیستەکا تەمام بۆ مووچەی بەلاڤنەکریە و پارڤەکرنا مووچەی ب خاڤی بڕێڤەدچیت. ژبلی وی مووچەیێ پارڤەدکەت؛ مووچەیێ مەها ١٢ێ سالا دەربازبووی.
بەریا نها، د دەمێ کێمتر ژ ٢٤ دەمژمێراندا، وەزارەتا دارایا هەرێمێ سێ جاران گۆهڕین د لیستا مووچەیێ دوهی پێنجشەمبێ دا کرن و هەرجار ناڤێ چەند وەزارەتان زێدە دکرن.
ئەڤە ددەمەکیدایە، حکومەتا هەرێمێ بەریا نها بانگەشەیا وێیەکێ دکر، کو هەمی ٢٥ی مەهەکێ مووچە بهێتە پارڤەکرن.
ئەو ژی د دەمەکێ دایە، داهاتێ پەتڕۆلا فرۆتی ب بۆریان زێدەتر ژ ترلیۆنەک و ٢٠٠ ملیار دیناران بوویە و کۆما داهاتێ ناڤخۆ ژی زێدەتر ژ ٥٠٠ ملیار دینارانە دگەل هەڤکاریێن مەهانە یێن هەڤپەیمانان کو ٢٨ ملیار دینارن، لێ حکومەتا هەرێمێ بۆ پارڤەکرنا مووچەی چاڤێ وێ ل ٢٠٠ ملیارێن بەغدایە.
هێرش قادر، هەولێر