PM:01:15:09/12/2021
660 جار خوێندراوەتەوە
+
-
دەزگەهێ دژە تیرۆرا عێراقێ ڕاگەهاند، فەرماندەیەکێ سەربازیێ گروپێ چەکداریێ داعش ل پارێزگەها کەرکوکێ دەستەسەرکریە.
ئەڤرۆ پێنجشەمبی، دەزگەهێ دژەتیرۆرا عێراقێ ڕاگەهاندنەک بەلاڤکر و تێدا هاتیە، کارینە فەرماندەیەکێ سەربازیێ سەر ب گروپێ چەکداریێ داعش ل پارێزگەها کەرکوکێ دەستەسەربکەن.
ئەوژی دیارکر، ئەو فەرماندە و ژ ئێک هەفکارێن وی دگەلدابوو و دەستەسەرکرن.
د ڕاگەهاندنێ دا ئاماژە ب وێیەکێ کر، "ئەو فەرماندێ سەربازی دەستەکێ بلند هەبوو ل چەندین کریارێن تیرۆرستیێن وی گروپی".
هەر ئەڤرۆ ژی، شانەیا ئەمنی ڕاگەهاندنەک بەلاڤکر و تێدا هاتیە، د ئۆپەراسیۆنەکێدا ل پارێزگەها بەغدا یا پایتەختێ عێراقێ سێ فەرماندەیێن گروپێ چەکداریێن داعش دەستەسەکرن.
شانەیا ئەمنی ئاماژە ب وێیەکێ ژی کر، ئێک ژ وان فەرماندەیان "ئەبو حەمزەیە" و ل رێزێن ویلایەتا باشورێ بەغدا کارکریە، برایەکێ وی ژی ئەندامێ گروپێ چەکداریێ داعش بوو و بەرپرس بوو ژ ڤەگوهاستنا چەکی دناڤبەرا عێراق و سوریا و د شەڕەکیدا ل ئیدلب هاتە کوشتن.
دبێژیت ژی، فەرماندەیێ دووێ ب ناڤێ "ئەبو ئەنەس" و ل رێزێن مەفرەزەیێن گروپێ داعش ل پارێزگەها ئەنبار کار کریە.
ڕاگەهاندنا شانەیا ئەمنی ئەشکەراکر، ئەو سێ ئەندامێن داعش لدویف ماددێ ٤ێ تیرۆرێ دەستەسەرکرینە و د ئێکەم ڤەکۆلیندا دانپێدان ب وێیەکێ کریە، کو سەرب گروپێ داعشن و رەوانەی دادوەریێ هاتینە کرن بۆ گرتنەبەرا رێکارێن یاسایی ل هەمبەر وانا.