PM:12:34:07/12/2021
1280 جار خوێندراوەتەوە
+
-
ڕێڤەبەریا هەوالگریا
سەربازیا عێراقێ ڕاگەهاند، ل پارێزگەها موسل ڕێکخەرێ دیوانا عەشایریا گرۆپێ
چەکداریێ داعش هاتە دەستەسەرکرن.
ئەڤرۆ سێشەمبی، ڕێڤەبەریا
هەوالگریا سەربازیا عێراقێ ڕاگەهاندنەک بەلاڤکر و دناڤدا هاتیە، بپشت بەستن ب زانیاریێن
هەوالگریان ل ژێدەرەکێ لیوایا ٧١ یا پیادەیا سوپای، هەژمارەکا چەکدارێن داعش ل کویراتیا
سوریا بەرەڤ دەڤەرێن سنوریێن عێراقێ بڕێکەفتینە.
دبێژیت ژی، ئەو چەکدار
بمەرما دیتنا چەند ئەندامەکێن دی ل پارێزگەها موسل هاتبوونە دناڤا ئاخا عێراقێ دا.
ئاماژە ب وێ ژی دا، بهەماهنگی
دناڤبەرا فەوجا ئێک و ئەفسەرێن هەوالگریێ ڕیک بۆهاتیەخۆشکرن هەیاکو بهێنە دناڤا ئاخا عێراقێ
دا و لسنورێن گوندێ مەشیر یێ سەر ب ناحیا رەبیعە هاتە دەستە سەرکرن.
ڕاگەهاندنێ بەحسا وێیەکێ
ژی کر، پشتی کو ڤەکۆلین دگەل وی هاتینە کرن دان بوێ چەندێ نایە کو ئەندامێ گرۆپێ
چەکداریێ داعشە و ڕێکخەرێ دیوانا عەشایری بوویە ل پارێزگەها موسل و دوو کوڕێن وی ژی
بەرپرسێن بلندێن ڕێکخراوا داعشێ نە.