سەرنووچە:

مستەفا کازمی: کەس ژ بڕیارا دەولەتێ بلنتر نینە

PM:09:46:06/12/2021

2432 جار خوێندراوەتەوە

+ -

سەرۆکوەزیرێن عێراقێ ڕاگەهاند، هەیا نەهێلانا داعش دێ بەردەوام بین لسەر رووبرووبونا وێ، دبێژیت ژی، "کەس ژ بڕیارا دەولەتێ بلنتر نینە".

مستەفا کازمی سەرۆکوەزیرێن عێراقێ د تویتەکێ دا ب زمانێ کوردی بەلاڤکریە، "ئەڤرۆ هێزێن مەیێن ئەسمانی یێن قەهرەمان هەلمەتەکا سەرکەفتیانە بۆ سەر جهێن تیرۆرستێن داعش ل ئەنبار ئەنجامدان، هەیا نەهێلانا داعش دێ بەردەوام بین".

دبێژیت ژی، "خەلکەک هەیە دڤێن ب چەکی گەفان ل دەولەتێ بکەن، لێ دامەزراوە و گەل دێ بەرهنگاری وان بیت".

دبەشەکێ دی یێ پەیاما خۆ دا مستەفا کازمی ئاماژە ب وێیەکێ کریە، "کەس ژ بڕیارا دەولەتێ بلنتر نینە".

ئەڤرۆ ژی، دەربارەی پێنگاڤێن رووبرووبونا پەلامارا داعش، نێچیرڤان بارزانی بڕیاردا، "ب هەماهەنگی دگەل حکومەتا هەرێمێ و ئالیێن پەیوەندیدار لەز د پێتڤیێن دا بهێتەکرن، بۆ داهاتی ژی پێتڤیێن دی یێن پێشمەرگەی بهێنە دابینکرن".

ئەو ژی د دەمەکێ دایە، چەکدارێن داعش هێرشیێن خۆ بۆ سەر چەپەرێن پێشمەرگەی زێدەتر کرینە و شەڤا دەربازبووی جارەکا دی ل سنورێ کەرکوکێ هێرشکرن و ب وێ سەدەمێ ژی چار پێشمەرگە شەهیدبوون و دەمێ زێدەتر ژ حەفتیەکێ ٢٢ پێشمەرگە و سێ وەلاتیێن سڤیل شەهیدبوون.

دوهی ژی، جەمال مورتکە فەرماندەیێ سەربازی د دەما بەژداریکرن د بەرنامەیێ خەلک یێ ئێن ئاڕ تی دا گوت، "ڤالاتیا ئەولەهیێ و نەبوونا سوپایێ عێراقێ ل وێ دەڤەرێ و چەک و تەقەمەنی ل چەپەران هێجەتن".

گەلەری