سەرنووچە:

دوو بڕیار ژ ئالیێ وەزارەتا پەروەردا هەرێمێ ڤە

PM:07:20:04/12/2021

5004 جار خوێندراوەتەوە

+ -

وەزارەتا پەروەردەیا هەرێمێ ڕاگەهاند، بۆ رێزگرتن ل روحا وان پێشمەرگە و وەلاتیێن کو شەهیدبووین لسنورێ گەرمیان و قەرەچوغ، سوبەهی ئێکشەمبێ بەری وانەیا ئێکێ ل هەمی ناڤەندێن خواندنێ یێن حکومی و نەحکومی ل هەرێمێ، خۆلەکەکێ وەکی رێزگرتن ل گیانێ پاقژێ شەهیدان دێ ڕاوەستین.هەڤدەم، قوتابخانەیەک ژی بناڤێ بارزان ئیسماعیل بهێتە بناڤکرن. 

وەزارەتا پەروەدا هەرێمێ ڕاگەهاندنەک بەلاڤکر و تێدا هاتیە، "سوبەهی ئێکشەمبی، ل هەمی ناڤەندێن خاندنێ یێن حکومی و نەحکومی خۆلەکەکێ دێ ڕاوەستین وەکی رێزگرتن ل گیانێ پاقژێ شەهیدێن مە و ئەوێن لسەر سنورێ گەرمیان و قەرەچۆغ شەهیدبووین کو قوتابیەک ژی تێدابوویە".

شەڤا ٢ی ڤێ مەهێ چەکدارێن داعش ل چیایێ قەرەچۆغ هاتنە خوارێ بۆ ناڤ گوندێ خدرجیجە بۆ هێرشکرنێ سەر وان، خەلکی ژی بۆ بەرەڤانیکرن ژ خۆ رووبروویێ وان بوون.

د ئەنجامدا، سێ وەلاتیێن برایێ ئێک شەهیدبوون، ئێک ژ وان ژیێ وی ١٠ سال بوویە و فیشەک بۆ برایێ خۆبرینە کەسەکێ دی یێ ڤێ مالباتێ ژی برینداربوو، ژبلی ئەڤان ژی دەما هێزێن پێشمەرگەی د هەوارا وی گوندی چووی ١٠ پێشمەرگە شەهیدبوون.

د ڕاگەهاندنا وەزارەتا پەروەردێ دا هاتیە، "رێڤەبەریا پەروەردا هەولێرێ هاتیە ڕاسپاردن کو ئێک ژ قوتابخانەیێن سنورێ پەروەردا مەخمور بناڤێ (بارزان ئیسماعیل) بناڤ بکەن.

د ئەنجامێ پەلامارێن چەند رۆژێن دەربازبووی یێن داعش بۆ سەر گوندێ خدر جیجە ل سنورێ قەرەچۆغ خواندەکارەکێ ١٠ سالی کو ل پۆلا چارێ بنەرەتی بوو شەهیدبوو.

گەلەری