سەرنووچە:

ئێکشەمبێ و دووشەمبێ مووچێ ڤان جهان دێ هێتە پارڤەکرن

AM:11:25:04/12/2021

5808 جار خوێندراوەتەوە

+ -

 ژێدەرەکی ژ وەزارەتا دارایی بۆ ئێن ئاڕ تی ڕاگەهاند، رۆژا ئێکشەمبێ وەکی تەمامکاریا رۆژا پێنج شەمبێ مووچێ وەزارەتا پەروەردێ و ڕۆژا دووشەمبێ ژی مووچەیێ جڤاتا ئاسایشێ دێ هێتە پارڤەکرن.

پێشتر ژێدەرەکی ژ وەزارەتا دارایی و ئابوریا حکومەتا هەرێما کوردستانێ بۆ ئێن ئاڕ تی ڕاگەهاند بوو، رۆژا پێنجشەمبیێ و ئێکشەمبیێ ژی دێ مووچەیێ وەزارەتا پەروەردێ هێتە پارڤەکرن.

دەربارێ شاندنا ٢٠٠ ملیاران ژی،  ژێدەرەکی ژ وەزارەتا داراییا هەرێمێ ڕاگەهاند، بڕیارە د ناڤەڕاستا حەفتیا بێهێت دا حکومەتا عێراقێ وان ٢٠٠ ملیار دیناران بۆ هەرێمێ فڕێکەت.

وی ژێدەری ڕاگەهاند ژی، ب گەهشتنا ٢٠٠ ملیاران دێ مووچەیێ تەڤایا وەزارەتان هێتە پارڤەکرن.

د مەها تەمموزێدا، هنارتنا ٢٠٠ ملیار دیناران بۆ هەرێمێ، ژ ئالیێ مستەفا کازمی سەرۆکوەزیرێن عێراقێ بڕیار لسەر هاتە دان، کو وەک سولفەیەکا مەهانە بۆ هەرێمێ بهنێریت و وەک مووچە ب هەڤئاوایێ داهاتێن وەزارەتا دارایی بسەر مووچەخۆراندا بهێتە پارڤەکرن.

ئەڤە ژی ددەمەکیدایە، داهاتێ پەتڕۆلا فرۆتی ب بۆریان ترلیۆنەک و ٢٠٠ ملیار دینارن و کۆما داهاتێ ناڤخۆژی زێدەترە ژ ٥٠٠ ملیار دیناران دگەل هەڤکاریێن مەهانە یێن هەڤپەیمانان ٢٨ ملیار دینارن، لێ چاڤێ حکومەتێ بۆ پارڤەکرنا مووچەی ل ٢٠٠ ملیارێن بەغدایە.

گەلەری