سەرنووچە:

تالیبانێ دەربارێ مافێن ژنان بڕیارەکا نوی دەرێخست

PM:05:28:03/12/2021

2220 جار خوێندراوەتەوە

+ -

بزاڤا تالیبان ل ئەڤغانستان چەند بڕیار دەربارێ ئافرەتان دەرێخستن و تەکەز ژی ل وێ چەندێ کر کو پێتڤیە ڕێز ل مافێ ژنان بهێتە گرتن.

ڕێکخراوا تالیبان کو دنهادا خوەدی دەستهەلاتا تەمامە ل ولاتێ ئەڤغانستان ڕاگەهاندنەک دەرئێخستیە و دناڤدا داخاز ژ ڕێکخراوێن پەیوەندیدار و مرۆڤێن ئاینی کریە کو پێتڤیە ڕێکارێن جددی بگرنەبەر بۆ دەستەبەرکرنا مافێن ژنان د ولاتی دا.

وێ ڕاگەهاندنێ ئەڤرۆ ئەینیێ ل پێگەهێ زەبیحولای ل تویتەری بەلاڤکریە و دناڤدا هاتیە، "بۆ چ کەسەکی نینە زۆریێ ل کچەکێ یان بیەژنەکێ بکەت ب زۆری شی پێ بکەت".

ئاماژە ب وێژی کر، "ژن تایبەت نینن ب هیچ کەسەکی ڤە و ژن ڤەگۆهڕین ژی ئێکە ژ کارین قەدەغەکری".

دمەها تەمووزا سالا ١٩٩٤ ێ دا ل ئەنجامێ جڤینا ٥٣ خواندەکارێن خاندنگەهەکا ئایینی ئێکەم شانەیا ڤەلڤینا تالیبان لسەر دەستێ مەلامحەمەد عومەر ڕێڤەبەرێ وێ خاندنگەهێ ل ویلایەتا قەندەهار ل سنورێ ولاتێ پاکستان پێکئینا.

ل دەسپێکا مەها ئابا ئەڤسالەدا، ل دەمێ کێمتر ژ ١٠ ڕۆژان دا، چەکدارێن ڤەلڤینا تالیبان هێرشێن خۆ بۆ سەر چەندین ویلایەتان ل ئەڤغانستانێ دەستپێکرن و د کێمتر دهەشت رۆژاندا شیان ل ٣٤ ویلایەتان دەست بسەر ٢٠ ویلایەتان و پایتەختێ دا بگرن و چەندین ویلایەت ژی بێ ڕویدانا هیچ لێکدان و شەڕەکی کۆنترۆل بکەن، و ل ١ێ ئاب ژی؛ ئەشرەف غەنی سەرۆکێ ئەڤغانستان پشتی ڕازیبونا وی ژ دەست بەردانا دەسهەلاتێ، دەست ژ کارکێشاناخۆ پێشکێشی حکومەتێ کر و ب بالەفرەکا ئەمریکی بەرەڤ تاجیکستان ولات ب جھـ هێلا.

گەلەری