سەرنووچە:

نێزیکی ٢٠٠ ملیۆن زارۆیان ل وان دەڤەران دژین کو شەڕ تێدایە

AM:09:48:02/12/2021

808 جار خوێندراوەتەوە

+ -

نێزیکی ٢٠٠ ملیۆن زارۆیان د نهادا ل وان دەڤەران دژین یێن کو شەڕ تێدانە وەک موزەمبیق ئەفغانستان و کۆنگۆیا دیموکرات و نەیجیریا و یەمەن. دبێژیت، "عێراق ئێکە ژ وان وەلاتانە یێن زارۆ ل نێزیک گروپێن چەکداری تێدا دژین".

رێکخراوا ناڤدەولەتیا، "زارۆیان رزگاربکەن" نویترین راپۆرتا خۆ بەلاڤکر و تێدا هاتیە، نێزیکی ٢٠٠ ملیۆن زارۆیان ل وان دەڤەران دژین کو شەڕ و توندوتیژی تیدانە.

راپۆرتێ ئاماژە ب وێیەکێ کریە، د نهادا ٣٣٧ ملیۆن زارۆ ل نێزیک گرۆپێن چەکداری و ئارتێشێن وان وەلاتان دژین و زارۆیان دکەنە چەکدار، ب رەنگەکی بهەڤبەرکرن ب سێ دەهەیێن دەربازبووی رێژەیا چەکدارکرنا زارۆیان سێ جاران هند زێدەبووینە.

ئەوژی دیارکریە، ئەو وەلاتێن سەربازیێ ب زارۆیان دکەن، نێزیکی رێژەیا نیڤا زارۆیێن جیهانێ تێدا دژین کو نێزیک دبیت ژ ملیار و ٣٠٠ ملیۆن زارۆیان.

دبێژیت، عێراقێ و یەمەن و سوریا و ئەفغانستان و فلیپین پترین رێژەیا ب سەربازکرنا زارۆیان تێدایە و ب وی سەدەمی ل نێزیک گروپێن چەکداری دژین.

ئاماژە ب وێیەکێ ژیکریە، سەرهلدانا توندوتیژیاو ململانیێیان بەردەوامە ل موزەمبیق و ئەفغانستان و کۆنگۆیا جیموکرات و نەیجیریا و یەمەن سەدەمن بۆ دروستبوونا ئاریشەیا برسیاتیێ ل دەڤەران.

لدویف راپورتێ، سەرهلدانا کۆرۆنایێ و ئاریشەیان بویە سەدەمەکێ دیێ دژواربوونا ژیانا زارۆیان ل ٢٠٢٠ رێکخراوا نەتەویێن هەڤگرتی داخاز کر جەنگ و توندژی ل وان دەڤەران ب داوی بهێن.

ژ ئالیێ خۆڤە، ئێنگیر ئیشینک سەرۆکێ رێکخراوا "زارۆیان رزگاربکەن" ڕاگەهاند، "رەوشەکا مەترسیدارە دەمێ دبینین هژماریەکا زێدە یا زارۆیان بووینە ئارامانج و کەفتینە وان دەڤەرێن شەڕێ خۆینێ تێدا بەردەوام رویددەن".

گەلەری