PM:06:04:01/12/2021
3540 جار خوێندراوەتەوە
+
-
پەیڤدارێ حکومەتا هەرێمێ ڕاگەهاند، ب رەنگەکێ ئاسایی حکومەتا فیدڕال کوژمێ ٢٠٠ ملیاران دهنێریت، لێ پێتڤی ب هندەک رێکار و رۆتینا هەیە بگرنەبەر.
ئەڤرۆ چارشەمبی، جوتیار عادل پەیڤدارێ حکومەتا هەرێمێ د کۆنفراسەکێ رۆژنامەڤانیدا ڕاگەهاند، "پشتراستم حکومەتا فیدڕال دێ ٢٠٠ ملیاران هنێریت".
دەربارەی کۆمکرنا داهاتی ل پارێزگەها سلێمانیێ، لدویف دیڤداچوونان دەرکەفتیە میکانزمێ کۆمکرنا داهاتی ل پارێزگەها سلێمانیێ وەک پێتڤی نینە و سستی هەیە د کۆمرکرنا داهاتاندا.
دبێژیت ژی، پەیوەندی ب وێیەکێ هەیە، هندەک سەدەم بریتینە ژ دەوامنەکرنا پشکەک ژ فەرمانبەران و پشکەک ژ فەرمانگەهان پێگیر نینن ب رێنمایێن وەزارەتا دارایی د کۆمرکرنا داهاتیدا.
پەیڤدارێ حکومەتا هەرێمێ گوتژی، دەربارەی وی بابەتی چاڤدێریا رەوشێ دکەین ئەگەر رەوش باشتر نەبوو، دێ رێکارێن یاسایی لهەمبەر وان کەسان گرنەبەر یێن کو سستیێ دکەن و پێگیری ب رێنمایێن وەزارەتا دارایی نەبن.
د مەها تەمموزێدا، هنارتنا ٢٠٠ ملیار دیناران بۆ هەرێمێ، ژ ئالیێ مستەفا کازمی سەرۆکوەزیرێن عێراقێ بڕیار لسەر هاتە دان، کو وەک سولفەیەکا مەهانە بۆ هەرێمێ بهنێریت و وەک مووچە ب هەڤئاوایێ داهاتێن وەزارەتا دارایی بسەر مووچەخۆراندا بهێتە پارڤەکرن.