PM:09:14:30/11/2021
7480 جار خوێندراوەتەوە
+
-
پارڤەکرنا مووچەیێ مەها ١١ بەردەوامی هەیە و بڕیارە
رۆژێن بهێت مووچەیێ وەزارەتا پەروەردێ بهێتە پارڤەرکرن.
ژێدەرەکی ژ وەزارەتا داراییا هەرێمێ بۆ ئێن ئاڕ تی
ڕاگەهاند، رۆژا پێنجشەمبی و ئێکشەمبیا حەفتیا بهێت مووچەیێ مەها تشرینا دووێ یێ
وەزارەتا پەروەردە دێ هێتە پارڤەکرن.
رۆژا ٢٥ی مەهێ، وەزارەتا ساخلەمیێ وەک ئێکەم وەزارەت،
مووچەیێ مەها تشرینا دووێ ب هەمان میکانزمێن بەریا نها و بێ بڕین وەرگرت و پشترا،
مووچەیێ دیوانا وەزارەتا پێشمەرگەی و لیوایێن ٧٠ و ٨٠ و وەزارەتا دارایی و
وەزارەتا ناڤخۆ و ڕێڤەبەریا گشتیا رەگەزنامێ هاتە پارڤەکرن.
بڕیارە ژی سوبەهی چارشەمبی، مووچەیێ هەر ئێک ژ وەزارەتێن
کاروبارێن شەهیدان و ئەنفالکریان و لیوایێن پەتڕۆل و گازێ و فەرماندەیێن زێرەڤانی
بهێتە پارڤەکرن.
ئەڤە
ژی ددەمەکیدایە، وەزارەتا دارایی هێشتا لیستا مووچەیێ تەڤایا وەزارەتان بەلاڤ
نەکریە.
دەربارەی
٢٠٠ ملیاران ژی، د مەها دەربازبویدا، پەرلەمانتارەکێ بەرێ یێ عێراقی بۆ ئێن ئاڕ تی
ڕاگەهاند، کو ب ئەگەرەکێ زێدە دبیت عێراق یا پێگیربیت ب هنارتنا ٢٠٠ ملیار دینارێن
مەهانە یێن هەرێمی هەتاکو حکومەتا نوی بهێتە پێک ئینان.
دمەها
تەمموزێدا، هنارتنا ٢٠٠ ملیار دینارێن مەهانە بۆ هەرێمی، ژ ئالیێ مستەفا کازمی
سەرۆک وەزیرێن عێراقێ بڕیار لسەر هاتە دان، کو وەکی سولفەیەکێ مەهانە بۆ هەرێمێ
بهێتە شاندن و وەک مووچە ب هەڤئاوایێ داهاتێن وەزارەتا دارایی بسەر مووچە خۆراندا
بهێتە پارڤەکرن.
حکوموتا
هەرێمێ دچەند مەهێن دەربازبویدا بڕیاردا هەمی ٢٥ ێ مەهێ مووچە بهێتە پارڤەکرن بێ
لێبڕین، لێ چەند مەهەکن ب هێجەتا کێمی و درەنگ گەهشتنا داهاتی بۆ خەزینا وەزارەتا
دارایی و درەنگ گەهشتنا ٢٠٠ ملیارێن بەغدا، حکومەت پارڤەکرنا مووچەی پاشڤەدبەت و
بۆ دەمێ ١٥ رۆژان و زێدەتر مووچێ هەمی وەزارەتان پارڤە دکەت.