AM:10:11:30/11/2021
3412 جار خوێندراوەتەوە
+
-
بڕیارە ئەڤرۆ سێشەمبی
مووچێ مەها تشرینا دوویێ یێ وەزارەتا ناڤخۆ و ڕێڤەبەریا گشتی یا ڕەگەزنامان بهێتە
پارڤەکرن و سوباهی ژی مووچێ ٤ جهان دێ هێتە پارڤەکرن.
ژێدەرەکی ژ وەزارەتا
دارایی و ئابوریا هەرێمێ بۆ ئێن ئاڕ تی ڕاگەهاند، سوباهی مووچێ هەرئێک ژ وەزارەتێن
کاروبارێن شەهید و ئەنفالکریان و کەسوکارێن شەهیدان و لیوایا پەترۆل و گازێ و
فەرماندێ زێرەڤانیێ دێ هێتە پارڤەکرن.
ڕۆژا ٢٥ ێ مەهێ ژی، وەزارەتا
ساخلەمی وەک ئێکەم وەزارەت، مووچێ مەها تشرینا دووێ یا ئەڤسالە ب هەمان میکانزمێ بەرێ
و بێ لێبڕین وەرگرت، پشترمووچێ هەر ئێک ژ دیوانا وەزارەتا پێشمەرگەی و لیوایان و
ئەڤرۆژی مووچێ یەکەیێن ٧٠ و ٨٠ وەزارەتا دارایی پارڤەکرن.
ئەڤە ژی ددەمەکیدایە،
وەزارەتا دارایی هێشتا لیستا مووچێ هەمی وەزارەتان بەلاڤ نەکریە.
دەربارێ ٢٠٠ ملیاران ژی،
دمەها دەربازبویدا، پەرلەمانتارەکێ بەرێ یێ عێراقی بۆ ئێن ئاڕ تی ڕاگەهاند، کو ب ئەگەرەکێ
زۆرڤە دبیت عێراق یا پابەند بیت ب شاندنا ٢٠٠ ملیار دینارێن مەهانە یێن هەرێمی هەتاکو
حکومەتا نوی بهێتە پێک ئینان.
دمەها تەمموزێدا،
شاندنا ٢٠٠ ملیار دینارێن مەهانە بۆ هەرێمی، ژ ئالیێ مستەفا کازمی سەرۆکوەزیرێن عێراقێ
بڕیار لسەر هاتە دان، کو وەکی سولفەیەکێ مەهانە بۆ هەرێمێ بهێتە شاندن و وەک مووچە
ب هەڤتایێ داهاتین وەزارەتا دارایی بسەر مووچە خۆراندا بهێتە پارڤەکرن.
حکوموتا هەرێمێ دچەند
مەهێن دەربازبویدا یڕیاردا هەمی ٢٥ ێ مەهێ مووچە بهێتە پارڤەکرن بێ لێبڕین، لێ چەند
مەهەکن ب هێجەتا کیمی و درەنگ گەهشتنا داهاتی بۆ خەزینا وەزارەتا دارایی و درەنگ گەهشتنا
٢٠٠ ملیارێن بەغدا، حکومەت پارڤەکرنا مووچەی پاشڤە دبەت و بۆ دەمێ ١٥ رۆژان و زێدەتر
مووچێ هەمی وەزارەتان پارڤە دکەت.