PM:01:33:14/11/2025
40 جار خوێندراوەتەوە
+
-
سەرۆکێ بەشێ
هەلبژارتنێ ل کۆمسیۆنا بلندا سەربەخۆیا هەلبژارتنان دبێژیت، تا نها چ سکالا
نەهاتینە تۆمارکرن دەربارەی رۆژێن دەنگدانا تایبەت و گشتی کو کارتێکرن لسەر
ئەنجامێن داویێ هەبیت.
ئەڤرۆ ئەینی،
عامر حسێنی، سەرۆکێ بەشی هەلبژارتنێ ل کۆمسیۆنێ راگەهاند، کۆمسیۆنێ دەست کرینە ب
وەرگرتنا و پۆلینکرنا سکالایێن پەیوەندی ب
رۆژا دەنگدانێ ڤە هەین.
گوت ژی، ١٠١
سکالا دەبارەی هەردووک رۆژێن دەنگدانا گشتی و تایبەت وەرگرتینە ل کۆما وێ هژمارێ
بۆ دەنگدانا تایبەت ٣٣ سکالا وەرگرتینە و ٥٧ سکالا ژی بۆ دەنگدانا گشتی.
ئاماژە ب وێ
یەکێ ژی کر، تا نها چ سکالا دەربارەی رۆژێن دەنگدانا تایبەت و گشتی نەهاتینە
تۆمارکرن کو کارتێکرن لسەر ئەنجامان هەبیت.
بەحسا وێ یەكێ
ژی کر، سکالا لدویف سێ رەنگان دێ پۆلین کەن، رەنگێ زەر ئانکو سکالایێن بێ بەلگە پێدڤی
ب بەرسڤ دانێ یینە، کەسک سکالایێن پێدڤی ب
ڤەکۆلینێ هەین لێ کارتێکرن لسەر ئەنجامان نینە، سور ئانکو ئەو سکالایێن رەنگە کارتێکرن
لسەر ئەنجامان هەبیت.