سەرنووچە:

پەرلەمانێ تورکیا دەربارێ هێزێن وی ولاتی ل عێراقێ و سۆریا بڕیاردا

PM:03:56:27/10/2021

852 جار خوێندراوەتەوە

+ -

پەرلەمانێ تورکیا دەربارێ درێژکرنا دەمێ مانا هێزێن ولاتێ خۆ ل عێراقێ و سۆریا بۆدەمێ دوو سالێن دی زێدەکر.

د جڤینا پەرلەمانێ تورکیا دا، لسەر داخازا رەجەب تەیب ئەردۆغانی سەرۆککۆمارێ تورکیا و بزۆرینەیا دەنگان؛ مانەڤەیا سوپایێ ولاتێ لهەردوو ولاتێن عێراقێ و سۆریا پەسەندکر؛ کو بڤێ  چەندێ تورکیا دەمێ ئۆپەراسیونێن سەربازیێن ولاتی بۆدەمێ دووسالێن دی لڤان دوو دەڤەران درێژکر.

هەردڤێ جڤینێدا پەرلەمانێ تورکیا مانەڤەیا هێزێن تورکیا دکەڤانا "هێزا ئاشتی پارێز"یا نەتەوەیێن ئێکگرتی ل ولاتێ لوبنانێ ژی پەسەندکر.

لهەمبەردا، هەدەپێ و پارتا گەلا کۆماری کۆمەزنترین  پارتا ئۆپۆزسیونا وی ولاتیە بڕیار ڕەتکر.

ئەڤەژی پشتی وێ چەندێ دهێت، پێشتر رەجەب تەیب ئەردۆغانی هەرەشەیا هێرشکرنە سەر ڕۆژئاڤایێ کوردنستانێ کربوو، و ب هێنجەتا هەبوونا چەکدارێن پەکەکێ ژی چەندین جاران سنورێ عێراقێ و هەرێما کوردستانێ بەزاندیە و دەڤەرێن سنوریێن هەرێمێ بوردومانکرینە و دوێ ناڤبەینێدا چەندین وەلاتیێن مەدەنی دبەرزیانێن وێ کەفتینە چ ژ روویێ گیانی یان ماددی.

جـ ، عـ

گەلەری