AM:09:38:27/10/2021
1244 جار خوێندراوەتەوە
+
-
پشتی سەرهەلدانا شەرێ
د ناڤبەرا چەکدارێن سەرب داعشێ و هێزێن ئەولەهیێ و ئاکجیێن گوندەکێ شیعەمەزهەب ل
پارێزگەها دیالە، پەیڤدارێ پۆلیسێن پارێزگەها دیالە بۆ ئێن ئاڕ تی گۆت، "دنهادا
چەکدارێن داعشێ خۆ لدەڤەرێ ڤەشارتیە و شەڕ ڕاوستایە" دبێژیت ژی، "زێدەتر
ژ ١٣ کەسان هاتینە کوشتن و ٣٠ کەس ژی بریندار بووینە".
نیهاد محەمەد پەیڤدارێ
پۆلیسێن دیالە بۆ ئێن ئاڕ تی ئاماژە بوێ چەندێ کر، ژبەر وی شەری هەیانها ١٣ کەس
هاتینە کوشتن و سێ کەسێن دیژی بریندار بووینە، "کو بزۆری ئەوکەسێن هاتینە کوشتن
کەسێن مەدەنی نە".
دەربارێ سەدەمێ سەرهەلدانا شەری، پیڤدارێ پۆلیسێن دیالە
ئاماژە بوێیەکێ ژی دا، "ئەو دوو کەسێن گوندی یێن ڕەڤاندین سەر ب هۆزا تەمیمی یاشیعە
مەزهەبن لدەف چەکدارێن داعشێ بوون، پشتی کو چەکدارێن داعشێ سۆزا ئازادکرناوان د
دەت، لێ پشترا ئازادناکەن، ئەڤ یەکژی دبیتە سەدەمێ سەرهەلدانا شەری و ئالۆزیەکا
گران دناڤبەرا وەلاتیێن گوندی و چەکدارێن داعشێ".
نووچەگەهانێ ئێن ئاڕ تی ل گەرمیان ئاماژە بوێیەکێ کر، دنهادا
هێزەکازۆرا ئەولەهیێ یاسەربهێزێن عێراقێ ڤە شاندیە دەڤەرێ.
ژلایێ خۆڤە ژی، جێگرێ
پارێزگارێ دیالا بۆ ئێن ئاڕ تی ڕاگەهاند، "چەکدارێن داعش هێرشەکا بەرفرەهـ کریە
سەر گوندەکێ سەر ب پارێزگەها دیالا و هەیا نها ١٣ کەس هاتینە کوشتن و زێدەتری ٢٥ کەسان
ژی برینداربووینە".
کەریم عەلی جێگرێ پارێزگارێ
دیالا تایبەت بۆ ئێن ئاڕ تی بەحسا وێیەکێ کر، گروپێن چەکدارێن داعش ژ چەند ئالیان
هێرشی گوندەکێ شیعەمەزهەب کریە، ب وی سەدەمی ١٣ کەس هاتینە کوشتن و زێدەتری ٢٥ کەسان
ژی برینداربووینە.
بەحسا وێیەکێ ژی کر، شەڕ
و ئالوزیەکا دژوار دناڤبەرا خەلکێ گوندی و هێزێن ئەولەکاریێ و گروپێ چەکداریدا
دروستبوویە و دبێژیت ژی، هندی بچیت شەڕ گرانتر لێ دهێت.
نووچەگەهانێ ئێن ئاڕ تی
بەحسا وێیەکێ ژی کر، کو چەکدارێن داعش مین لسەر رێیا دەرڤەی گوندی دانابوون و ب چەکێ
قەناسێ وەلاتیێن گوندی کرینە ئارمانج.
گروپێ چەکدارێن داعش ل
سالا ٢٠١٣ێ هاتە دامەزراندن و ل سالا ٢٠١٤ێ دەست بسەر پتریا ئاخا عێراق و سوریێ دا
گرت، پشترا ل سالا ٢٠١٧ێ،هەرئێک ژ ئارتێشا عێراقێ و هێزێن پێشمەرگەی ب هەڤکاریا هێزێن
هەڤپەیمانیێن ناڤدەولەتیێن دژی داعش،ب داوی هاتنا تەمام یا وی گروپی ل ئاخا عێراقێ
ڕاگەهاند.
لێ، هەیانها گرۆپ وشانەیێن
نڤستی یێن وان چەکدارێن داعشێ دناڤ عێراقێدا ماینە وناڤ بناڤ ل عێراقێ و تایبەت ل وان
دەڤەرێن ئاریشە لسەر دناڤبەرا هەرێمێ و عێراقێ کو ڤالا هیا ئەولەهیێ تێدایە، هێرش
و پەلەمالارێن چەکداری بۆسەر سوپایێ عێراقێ و هێزێن پێشمەرگەی و وەلاتیێن وان
دەڤەرا بەردەوامە.
گەرمیان حەمەیپور- گەرمیان
بڕیار جاف- گەرمیان
جـ ، عـ
https://youtu.be/BjmIBKCjCOU