سەرنووچە:

وەلاتیەکێ دهۆکێ: ژبەر نەبوونا غازێ خارنێ ژ خارنگەهان دکڕین

PM:04:35:26/10/2021

836 جار خوێندراوەتەوە

+ -

دەمێ نزیکی دوو مەهانە ئاریشا کێمیێ و نەبوونا غازێ ل پارێزگەها دهۆکێ هەیە و وەلاتیەکێ دهۆکێ ژی کو ل سرا غازێ راوستایە و دبێژیت، "ئەڤە دوو ڕۆژە مەغاز نەمایە و خارنێ ژ خارنگەهان دکڕین".

 

دەمێ دوو مەهانە ئاریشا کێمی و نەبوونا غازێ ل پارێزگەها دهۆکێ سەرهەلدایە  و وەلاتیەکێ وی باژێری دبێژت، هەشت رۆژە مە غاز نینە"، وی وەلاتی بەحسا وێ چەندێ کر، "دوو ڕۆژە غازا مالا وان نەمایە و بتلەکێ غازێ بچیک یا سەیرانان هەبوویە" لێ ئەوژی نەما و نەچاربووینە خارنێ ژ خارنگەهان بکڕین".

وی وەلاتی بەحسا رەزالەتیا ژیانا خۆ دکر و لسرایا وەرگرتنا غازێ راوەستیا بوو، کو وەکی ئەو دبێژیت، "ل ٧ ی سپێدێ یە د سرایێدا ڕاوەستیایە، لێ نەدیارە غاز دێ هێت یانژی نە".

لهەمبەر وی وەلاتیەکێ دی یێ دهۆکێ بەحسا وێ چەندێ کر، " کوخەلکی دەولەت دڤێت و دڤێت  دەولەتا کوردستانێ دروستبکەن" و گۆتە نووچەگەهانا ئێن ئاڕ تی، کو نیشاندان و پەخشکرنا ڤان بابەتان شەرمە و"فەسادیێ ڕاگرن".

وی وەلاتیێ دهۆکێ کو لسرایا غازێ ڕاوەستایە گوت، "پێتڤی بوو پارێزگار بهێتە سەرهێل، و ئەڤە رەوشا مەیە و بڤی ئاوایی چەوا ژیانێ بڕێڤە ببەین؟".

ئاریشا کێمی و نەبوونا غازێ ل پارێزگەها دهۆکێ د دەمەکیدایە، ٣٠ سال بسەر ڕاپەرینا سالا ١٩٩١ێ دا دەربازبووینە و وەلاتیان ب هیڤیا ڕزگاربوون ژ حزبا بەعس و هەبوونا دەستەلاتەکێ و حکومەتەکێ کو ژ کوردان پێکهاتبیت، لسالا ١٩٩٢ێ بەرەڤ ئێکەم هەلبژارتنێن پەرلەمانێ کوردستانێ چوون و دەنگ دان. ئەڤە زێدەباری ئاریشە و قەیرانێن دیێن هەرێمێ و بارگرانیا د ژیانا وەلاتیاندا، لێ کێمتر ژ مەهەکێیە هەلبژارتنێن پەرلەمانێ عێراقێ بڕێڤەچۆوین و بەروڤاژی سۆزێن خۆ بەری هەلبژارتنان، راستەوخۆ پشتی هەلبژارتنان بهایێ پەنزینێ گرانبوو و قەیرانا غازێ ل باژێرێ دهۆکێ سەرهلدا و پشکەک ژ مامۆستایێن هەرێمێ کو بتەمامکەرێن پڕۆسا پەروەردە و فێرکرن و مامۆستایێن وانەبێژ دهێنە ناسین، بۆ دەمێ ١٦ ڕۆژانە ژبەر خرابیا رەوشا خۆ بایکۆتا دەوامێ کریە.

د نهادا وەلاتیێن هەرێمێ چەندین قەیران و دژواریێن رەوشا ئابووری و دارایی پێشیا وان گرتیە و ل سالا ٢٠١٤ێ وەرە هەیا نها چەندین مووچەیێن فەرمانبەر و مووچەخۆران نەداینێ و ژێ بڕینە و پاشداخستینە. ئەڤە زێدەباری پارڤەنەکرنا گازا سپی یا سالانە یا وەلاتیان و بڕینا دەرمالێن خوێندکارێن زانکۆ و پەیمانگەهان و مووچێ چاڤدێریا خێزانان.

جودا ژ نەبوونا دامەزراندنێ و خوێندکار بتنێ خاندنێ تەمام دکەن، ئەگەر لکەرتێ تایبەت کار بدەستێ وان بکەڤن کو پتریا پشکێن کەرتێ تایبەت ژی سەر ب حزبێن دەستهەلاتێ ڤە نە، هەڤدەم، گرانبوون و بلند بوونا بهایێ کەلوپەلان و د ئەڤسالەدا بلند بوونا بهایێ دۆلارێ ئەمریکی هەڤبەر ب دینارێ عێراقی گرانیەکا دی ئێخستیە د ژیانا وەلاتیاندا.

د هەمبەردا، بهایێ پەتڕۆلێ د ئاستەکێ بلند دایە ل جیهانێ و هەرێما کوردستانێ و عێراقێ ژی کوئێک ژوان وەلاتانە پشکەکا زێدەیا داهاتێ وان لسەر پەتڕۆلێ یە.

جـ ،عـ

گەلەری