سەرنووچە:

حکومەتێ بڕیارەکا نوی دەربارەی پەنزینێ دەرئێخست

PM:08:42:25/10/2021

2352 جار خوێندراوەتەوە

+ -

وەزارەتا سامانێن سروشتیێن حکومەتا هەرێمێ چەند بڕیارەکێن نویێن تایبەت ب پارەڤەکرنا پەنزینێ ل پەنزینخانەیێن ئەهلی دەرئێخست و تێدا هاتیە، "هەر پەنزینخانەیەکا، پەنزینا نۆرمال یا حکومەتێ وەربگریت، نابیت چ پەنزینەکا دیا نۆرمال ب فرۆشیت".

دەقێ بڕیارا وەزارەتا سامانێن سروشتیێن هەرێمێ:

ئێک: پەنزینخانە ژ ئالیێ فەرمانبەرێن وەزارەتا سامانێن سروشتی، دێ هێنە چاڤدێریکرن.

دوو: پەنزین دێ ب سرا، لسەر پەنزینخانەیان هێتە پارڤەکرن.

سێ: هەر پەنزینخانەیەکا، پەنزینا نۆرمال یا حکومەتێ وەربگریت، نابیت چ پەنزینەکا دییا نۆرمال ب فرۆشیت.

چار: نابیت پەنزینا حکومیا ئۆکتان بلند، تێکەلی پەنزینا دییا نۆرمال بهێتە کرن.

پێنج: نابیت دەستکاریا بهایان بهێتە کرن.


ئەڤە ددەمەکیدایە، د نهادا بهایێ پەنزینێ بۆ زێدەتر ژ هزار دیناران بۆ هەر لترەکێ بلندبوویە و ژ ئالیێ خۆ، شاسوار عەبدولواحید، سەرۆکێ ڤەلڤینا نەوەی نوێ داخازکر رێکێ پێ بدەن پەنزینا ٥٠٠ دیناری بینن و دوهی ئێکشەمبی ڤەلڤینێ ب نڤیسارەکا فەرمی داخاز ژ وەزارەتا سامانێن سروشتی کر بێ چ باج و سەرانەیەک رێکێ بدەن پەنزینێ بینیتە هەرێمێ.

دەمێ دەربارزبووی و ب رەنگەکێ پلەبەندی بهایێ پەنزینێ بلندبوو و بڤێیەکێ ژی بارگرانی بۆ سەر وەلاتی و شۆفێران دروستکر.

بەرپرسێن هەرێمێ د چەندین داخۆیانیێن جودادا سوز داینە وەلاتیان کو دێ قەیرانا پەنزینێ و بلندبوونا بهای ب زوویترین دەم هێتە چارەسەرکرن، لێ هەیا نها ئەو ئاریشەیە ب نەچارەسەرکری مایە و ب بەردەوامی بهایێ پەنزینێ د بلندبوونێدایە.

 

 

گەلەری