سەرنووچە:

وەزارەتا ناڤخۆ: ژنەکێ ب هەڤکاریا خۆشتڤیێ خۆ زەلامێ خۆ کوشت

PM:10:53:23/10/2021

4700 جار خوێندراوەتەوە

+ -

وەزارەتا ناڤخۆیا عێراقێ بەلاڤکر، ل پارێزگەها میسل ژنەک ب تۆهمەتا کوشتنا زەلامێ وێ ب هەڤکاریا خۆشتڤیێ وێ هاتە دەستەسەرکرن.

ئەڤرۆ شەمبی، د ڕاگەهاندنەکا وەزارەتا ناڤخۆیا عێراقێ بەحسا وێیەکێ کر، پشتی کۆمکرنا تەماما زانیاریان و گرتنەبەرا رێکارێن هویر و پێتڤی، کارینە تۆهمەتبارێ سەرەکیێ بوویەرا کوشتنا وەلاتیەکی ل باژێرێ میسل دەستەسەربکەن.

وەزارەتا ناڤخۆیا عێراقێ ئاماژە ب وێیەکێ ژی کر، ئەو کەسێ کو هەڤکاریا وێ ژنێ کری بۆ کوشتنا زەلامێ وێ، خۆ وەک ئەندامێ هێزێن ئەولەکاریێ دایە نیاسین و پشترا ب چەقۆیێ چەند جارەکان زەلام بریندارکریە و ب وی سەدەمی ژیانا خۆ ژ دەستدایە.

د ڕاگەهاندنێ دا دیارکریە ژی، د نهادا پرۆسەیا ڤەکۆلینێ دگەل هەردوو تۆهمەتباران دەستپێکریە و پەڕێن ڤەکۆلینێ بۆ دۆسیێ هاتینە ڤەکرن.

گەلەری