AM:08:40:23/10/2021
3068 جار خوێندراوەتەوە
+
-
زارۆکێ ساڤا پێتڤی ب گرنگی پێدانا زێدەترە ژ
ئالیێ دایک و بابێن خۆڤە، ب تایبەتی د دەما نڤستنێ دا، لێ هندەک شێوازێن نڤستنێ
هەنە ئەگەر هەنە بنەسەدەمێن مرنا زارۆکێ وەکی نڤستنا لسەر دەڤی یان لسەر ئێک
ژ تەنیشتێن خۆ.
رۆپەلا "سیحەتی" د نووچەیەکێ دا ئاماژە
ب شێوازێن خەلەت یێن نڤستنا زارۆکێ دکەت کو ئەگەر هەنە مەترسیێ لسەر ژیانا وان
پەیدا دکەت و ببیتە سەدەمێ مرنا زارۆکێ بتایبەتی زارۆکێ ساڤا، ئەو ژی:
نڤستن لسەر دەڤی یان "مەعیدەی"
ئێکە ژ شێوازێن نڤستنێ کو مەترسیدارە بۆ سەر
ژیانا زارۆکێن ساڤا، ژبەرکو پەستانەکا زۆر دئێخیتە سەر سنگ و کۆئەندامێ هەناسەدانێ،
ئەگەر هەیە زارۆک دڤێ ڕەوشێ دا بخەندقیت لسەر وێیەکێ کو هەوا ب باشی ناچیتە سەر
سیهێن وی.
نڤستن لسەر ئێک ژ تەنیشتان:
ئەڤ شێوازە بۆ زارۆکێ ساڤا نەیێ ساخلەمە،
ژبەرکو نەشێت کونترۆلا لڤینێن خۆ بکەت، ڕەنگە دڤی ئاوایێ نڤستنێ دا زارۆک بلڤیت و
بچیتە سەر سنگێ خۆ و ب وی ئاوای بنڤیت کو مەترسیدارە لسەر ژیانا زارۆکی.
نڤستن لسەر جهێ گەلەک نەرم:
ئەڤ شێوازێ نڤستنێ دبیتە سەدەمێ کێمبوونا
لڤینێن زارۆکی ئەگەر دڤێ ڕەوشێ دا زارۆک بکەڤیتە سەر زکێ خۆ، د دەمێ تەنگە نەفسیێ
دا نەشێت شێوازێ نڤستنێ بگوهۆریت بسەدەما کویراتی و گەلەک نەرمیا جهێ وی.
نڤستن لسەر هەمان جهێ دایک و بابان:
نابیت زارۆک لسەر هەمان جهێ دایک و بابان
بنڤیت، ڕەنگە ل دەمێ نڤستنێ دایک یان باب خۆ بقولپینن و بکەڤنە سەر زارۆکی و زیانێ
بگەهیننێ، مرۆڤ د دەمێ نڤستنێ دا های ژ خۆ نینە بڤێ ژی بێ ئاگەهـ دبیت ژ ڕەوشا
زارۆکی.
باشترین شێوازێ نڤستنێ بۆ زارۆکی بتایبەتی
زارۆکێ ساڤا نڤستنا لسەر پشتێ یە، بۆ کردارا هەناسەدانێ باشترە و دشێت کۆنترۆلا لڤینێن
خۆ بکەت، واتا ب ئاسانی نەشێت بلڤیت هەتا شێوازێ نڤستنێ بگوهۆریت، کێمترین خەندقین
و مرنێ لدیڤ خۆ دئینیت، هەروەسا نڤستنا گەلەک کویر و نەرم بیت دگەل دوربوون ژ یارایان
تا زیان نەگەهنێ، ل جهەکێ ژی بنڤیت کو دایک و بابێن وی بشێن ب باشی چاڤێ وان لێ
بیت.