PM:07:54:22/10/2021
664 جار خوێندراوەتەوە
+
-
وەزارەتا بوویەرێن ژنشکەکێ ڤە یا روسیا
ڕاگەهاند، دئەنجامێ بوویەرا تەقینەکێ دا لکارگەهەکا بەرهەمئینانا باروت و ماددێن
کێمیایی ١٢ کەسان ژیانا خۆ ژدەستدا و چار کەسێن دی ژی هەیا نها بێ سەروشینن.
ئەڤرۆ ئەینی، ئاژانسا نووچەیا رۆیتەرز ژ ئاژانسا
نووچەیا تاسیا روسی بەلاڤکریە، د ئەنجامێ تەقینا بوویەرەکێ دا ل دەڤەرا ریازان ل ناڤەڕاستا
روسیا ١٦ کەسان ژیانا خۆ ژ دەستدا.
ژلایێ خۆ ڤە، وەزارەتا بوویەرێن ژنشکەکێڤە یا
روسی ئاماژە بوێیەکێ کریە، د بوویەرێ دا ١٢ کەسان ژیانا خۆ ژ دەستدایە و چار کەسێن دی بێ سەروشینن.
دبێژیت ژی، بوویەرێ چ گەف لسەر ئاکنجیێن وێ
دەڤەرێ دروست نەکرینە.
ئاژانسا ئینتەرفاکسیا روسی د ژێدەرەکێ ئەولەهیا
روسی دا بەلاڤکر، ئەگەرێ تەقینێ پشتگوھ هاڤێتنا
کەرەستێن سەلامەتیێ و خۆ پاراستنێ بوویە.
ئەڤ کۆمپانیە ئێک ژ کۆمپانیێن ستراتیژیێن
روسیا یە و سەرب کۆمەلا ڕۆستیکیا حکومیە کو وان کۆمپانیان بخۆڤە دگریت یێن بەرهەمێ
پیشەسازیێ بۆ هەردوو کەرتێن شارستانی و سەربازی دابین دکەت.
ئەڤە د دەمەکیدایە، ل سالا ٢٠١٨ دژوارترین
تەقین ل روسیا روودا و بوێ سەدەمێ ٦٤ کەسان ژیانا خۆ ژ دەستدا و ناڤەندا بازارەکێ
مەزن ژی ژناڤبر.
پشتی دوو سالان، ل کانونا دووێ یا ٢٠٢٠ د دوو
بوویەرێن ئاگربەربوونێدا ل تۆمسک و مۆسکۆ کو لدەڤەرەکا ئاکنجی بوونا کۆچبەراندا ١١
کەسان ژیاناخۆ ژدەستدا و چار کەسێن دیژی بێ سەروشین بوون. هەردوێ سالێدا و د مەها تشرینا
دوویێدا ژ ئەنجامێ ئاگربەربوونا خانا دانعەمراندا لدەڤەرا ئۆرال ١١ کەسان ژیاناخۆ
ژدەستدا.