PM:07:40:21/10/2021
1412 جار خوێندراوەتەوە
+
-
وەزیرێ دارایا ئیسرائیلێ ڕاگەهاند، پێکدادانا دناڤبەرا وەلاتێ وی و ئیران
دا "ل دەمەکێ نزیکدایە و نەگەلەکێ دویرە".
ئاڤیگدۆر لیبەرمان وەزیرێ دارایێ ئیسرائیلێ د داخۆیانیەکێ دا بۆ رۆپەلێ،
"والاس نیووس" بەحسا ئالوزیێن دناڤبەرا ئیسرائیل و ئیرانێ دا کر.
وەزیرێ دارایێ ئیسرائیلێ گوتۆبێژێن تایبەت ب پلانێن نویکرنا لهەڤهاتنا
ئەتۆمیا ئیرانێ کو د سالا ٢٠١٥ێ دا ئیمزاکریە دبێژیت، "چ قۆناغێن دیموکراسی یان
لهەڤهاتن نکارن بەرنامێ ئەتۆمیێ ئیرانێ ڕابوەستینین".
د درێژاهیا ئاخفتنێن خۆدا ئاڤیگدۆر لیبەرمان ئاماژێ بوێیەکێ دکەت،
" پێکدادانا مە دگەل ئیرانێ د نێزیکترن دەمدایە و نە گەلەکیا دویرە".
ئەڤەژی د دەمەکیدایە، ڕۆژا دووشەمبیا دەربازبووی، کەنال ١٢ی ئیسرائیل
نووچەیا وێچەندێ بەلاڤکر کو حکومەتا تەلئەبیب، بودجەیەکێ پێنج ملیار شێکل (١.٥٣ملیار
دۆلار) بۆ زێدەکرنا شیانێن وان بۆ هێرشکرنە سەر وێسگەهێن ئەتۆمیێن ئیرانێ تەرخانکریە.