سەرنووچە:

ل دهۆکێ بهایێ بەنزینێ زێدەتر بلندبوو

PM:08:26:20/10/2021

2188 جار خوێندراوەتەوە

+ -

نووچەگەهانێ ئێن ئاڕ تی ڕاگەهاند، ل دهۆکێ بهایێ بەنزینێ زێدەتر بلندبوویە ب ئاوایەکێ بۆ هەر لیترەکێ ٢٥ دینار چووینە سەر. هەڤدەم، شۆفێرەکێ تەکسیێ ژی دبێژیت، ئەو دچنە موسل بەنزینێ دکرن.

تائیف گۆران نووچەگەهانێ ئێن ئاڕ تی ل دهۆکێ ڕاگەهاند، ئێڤاریا ئەڤرۆ بهایێ بەنزینا نورمال ل بەنزینخانەیێن دهۆکێ زێدەتر بلندبوو ژبوی هەر لیترەکێ ژی ٢٥ دینار چووینە سەر کو دنهادا بهایێ هەر لیترەکا بەنزینا نورمال ٩٥٠ دینارێن عێراقی یە.

نووچەگەهانێ ئین ئاڕ تی ژ زارێ خۆدانێن بەنزخانەیێن دهۆکێ دیار ژیکر، ئەگەر بڤی ئاوای بهایێ بەنزینێ بلندبیت ڕەنگە بهایێ هەر لیترەکێ ژ ١٠٠٠ دیناران دەربازببیت.

هەڤدەم، سەباح سۆفی نووچەگەهانێ ئێن ئاڕ تی ل شێخان ئاماژە ب وێیەکێ کر، شۆفێرێن پارێزگەها دهۆکێ قەستا بەنزینخانەیێن سەر ب حکومەتا عێراقێ ڤە ل جەمبوور و فەیدی و قەزا شێخان دکەن ژبوی وێیەکێ بەنزینێ بکنە ترۆمبێلێن خۆ کو بهایێ هەر لیترەکێ ٤٥٠ دینارن.

هەورەسا شۆفێرەکێ تەکسیێ ژی بۆ ئێن ئاڕ تی گوت، ژبوی وەرگرتنا بەنزینا بهایێ وێ ئەرزان ئەو قەستا پارێزگەها موسل دکەن ژبەرکو ل دهۆکێ بهایێ وێ گرانە.

ئەڤە د دەمەکیدایە، بەریا نها بهایێ هەر لیترەکا بەنزبنا نورمال ب ٩٢٥ دیناران بوو، لێ نها بهایێ هەر لیترەکێ ٩٥٠ دینارن، هەڤدەم بەریا نها ژی پارێزگارێ دهۆکێ ڕاگەهاندبوو، دێ هندەک پارزینگەهان ئێخینەکار و د دەمەکێ نزیکدا ئاریشا بەنزینێ و سوتەمەنیێ ل دهۆکێ دێ چارە سەربیت لێ رۆژ بۆ رۆژێ بهایێ بەنزینێ بلنتردبیت.

 

گەلەری