PM:04:55:20/10/2021
1496 جار خوێندراوەتەوە
+
-
سەرۆکاتیا پەرلەمانێ تورکیا یاداشنامەیەک ئاراستەی پەرلەمانێ وی وەلاتی
کر دەربارێ درێژکرنا دەمێ وێ دەسهەلاتا دایە سەرۆک کۆماری بۆ ئەنجامدانا ئۆپەراسیۆنا
سەربازی ل عێراقێ و سوریا.
ئەڤرۆ چارشەمبیا، سەرۆکاتیا کۆماریا تورکیا ڕاگەهاند، یاداشتنامەیەک
ئاراستەی پەرلەمانێ وەلاتێ خۆ کریە، کو ئەنجامدانا ئۆپەراسیۆنا سەربازی ل عێراقێ و
سوریا بۆ دەمێ دووسالێن دی بۆسەرۆککۆماری درێژ بکەت.
لدیڤ یاداشتنامێ، کو ئیمزایا سەرۆککۆمارێ تورکیا رەجەب تەیب ئەردۆغان
لسەرە، دناڤداهاتیە، "گەف و مەترسیێن ئەولەهیا نەتەوەیی بەرەڤ پێش چووینە و ل
دەڤەرێن سنوری ململانێ ئالۆزتربووینە".
ئاماژە ب وێیەکێ ژی کریە، "هەبوونا تورکیا ل وان دەڤەران پارێزگاریێ
ل ئێک پارچەییا ئاخا عێراقێ و سەقامگیریا وێ دکەت".
ئەڤە د دەمەکی دایە، ل ٨ی تشرینا ئێکێ یا ٢٠١٩ پەرلەمانێ تورکیا دەمێ
پێدانا دەسهەلاتا ئۆپەراسیۆنا سەربازی بۆ سوپایی وی وەلاتی ل عێراقێ و سوریا درێژکریە
و پشترا ژی ل ٨ی تشرینا ئێکێ یا ٢٠٢٠ جارەکادی هەمان بڕیاردا.